Inspirasi Ti Ema-Ema Di Masa Pandemi – Wasunda

Sumber: tribunjabar.com

Ku ayana covid-19 ngaganggu kana tatanan masarakat, khususna masarakat anu leutik. Tiap unsur masrakat timimiti anu miskin dugi kanu beunghar, sami-sami ngaraoskeun dampak Covid-19 ieu. Timimiti sosial dugi kana ékonomi,kahambat mang bulan-bulan. Masrakat anu di PHK tina pagawéanna, pada-pada sarua lieurna sareng masarakat anu kukurilingan néangan gawé. Boh di dayeuh atawa di désa, sami baé nasibna.

Enggoning kitu, henteu sakedik ogé warga masrakat anu tiasa milari peluang dina kaayaan covid-19 ieu, sangkan tiasa janten solusi ékonomi kulawargana. Hasil tina muter otak, tatanya kaditu kadieu jeung sajabana. Lain padagang online hungkul anu tiasa nanjeur dina kondisi pandemi sapertos kieu téh, tapi ogé ema-ema di Desa Cisolok, Kacamatan Cisolok, Kabupatén Sukabumi anu tiasa ngainovasi sareng improvisasi atanapi adaptasi jeung situasi ditengah pandemi.

Saréatna ku ayana bimbingan Rélawan Inspirasi Rumah Zakat, ema-ema ieu tiasa ngadamelan sabun. Salian tiasa dianggé kanggo gégéroh, sabun ieu tiasa ogé dimanfaatkeun jang ngawasuh panangan sapertos anu dianjurkeun ku pamaréntah. Dina situasi kieu sabun janten kabutuhan anu kalintang pentingna kanggé ngajagi kaséhatan kulawarga, janten dina perkawis pasar tangtos sadaya jalmi meryogikeun pisan kana ieu sabun.

Inovasi anu awalna ngan saukur hoyong tetep gaduh panghasilan ditengah kondisi anu sapertos kieu ahirna janten solusi kanggé sadaya jalmi. Sabun anu seungit, ngabersihkeun sareng hargana anu mirah janten inceran konsumén. 

Salah sahiji rélawan Rumah Zakat, Pak Nanan nyarioskeun yén ayeuna ema-ema atos ngadamel sabun kanggéngawasuhan wadah sareng deterjén cair tahapan ka opat.

Dilansir tina Tribun jabar Pak Nanan ngabéwarakeun. “urang saréréa anu aya didieu terus ngembangkeun inovasi-inovasi anu sumberna tina keluhan-keluhan konsumen atanapi palangan anu ngagunakeun produk binaan Rumah Zakat ieu.” Saur Nanan.

Anjeuna ogé ngajelaskeun yén saparantos réngsé ngaproduksi pihakna sok ngacék ulang kualitas sabun anu parantos didamelna.

“naon anu janten kakirangan sareng naon anu kedah teras dipertahankeun tina ieu produk. Timimiti ngadamel, ngawadahan sareng ngapéking langsung dilakukeun di Rumah APS Kréatif, salah sahiji binaan Rumah Zakat. Harepan kapayunna mugia produk ieu janten katahanan pangan unggulan désa berdaya Cisolok” Ucapna.

Ema-ema ieu atos ngadamel 240 léter sabun kanggéngawasuhan piring sareng deterjén cair, atanapi upami du jumlahkeun totalna kana 320 botol. Sabun hasil karya ema-ema ieu dijual ka warga sakitar di Désa Cisolok kana harga Rp. 6000 per 600 ml.

Editor : Muhamad hasanudin