Ieu Cara Kanggo Anjeun nu Badé Janten Rélawan Uji Klinis Vaksin Covid-19 – Wasunda

Foto: jabarprov.go.id

Ridwan Kamil salaku Ketua Gugus Tugas Percepatan Penanggulangan COVID-19 Jawa Barat nyarios yén uji klinis vaksin COVID-19 produksi Sinovac, Tiongkok, nu dilaksanakeun PT Bio Farma, bakal ngalibatkeun jalmi sakitar 1.600 rélawan. Kang Émil ngajak warga Jawa Barat nu sasuai sareng kritéria kanggo ngiring janten rélawan.

“Vaksin ieu tos aya. Saur Pa Ménko Perékonomian RI, Pa Airlangga, Indonésia bakal ngadatangkeunvaksin ti tilu nagara. Hii ti Tiongkok, dua ti Koréa Selatan, tilu ti Inggris. Janten teu leres pami mung ti Tiongkok,” saur Kang Émil, dikutip sareng disunting kana basa Sunda ti situs resmi Pémprov Jawa Barat (29/7/2020).

Kang Émil ngajelaskeun yén uji klinis vaksin Covid-19 produksi Sinovac dilaksanakeun di Indonésia margi vaksin ieu tos dilaksanakeun uji klinis fase 1 sareng 2 di Tiongkok, hasilna berhasil.

“Vaksin tos dilaksanakeun uji klinis fase 1 sareng 2 di Tiongkok. Dugi ayeuna, vaksin ngalebetan fase ka 3 nu langkung luas, ngalibatkeun sababaraha nagara, kalebet Indonésia nu janten mitra,” saurna.

Warga Jawa Barat nu hoyong janten rélawan uji klinis tiasa daftar ka Clinical Research Unit Dept. Ilmu Keséhatan Anak Lantai 1 di RSUP Hasan Sadikin. Atawa ngahubungi nomor kontak 022-2034471 sareng 08112214235.

“Jadi, sabagéan ti kami nu sasuai syarat gé bisa ngadaftarkeun diri,” saur Kang Émil.

Salajengna, Kang Émil ogé ngalaporkeun yén angka Réproduktif Edéktif (Rt) Covid-19 Jawa Barat di dua minggu terakhir (14 dugi 26 Juli) aya di handap angka hiji, nyaéta 0,84.

“Rata-rata dua minggu terakhir, 0,84. Tandana masih tiasa kacekel,” saurna.

Dumasar ti data PIKOBAR (Pusat Informasi dan Koorinasi Covid-19 Jabar) dinten Salasa kaping 28 Juli 2020 tabuh 19:40 WIB, 3.567 pasién Covid-19 tos dinyatakeun jagjag. Samentawis jumlah pasién positif Covid-19 nyaéta 6.218 urang, 2.445 pasién psotif aktif, sareng 206 nu tos pupus.

Sedengkeun jumlah Pasién Dalam Pengawasan (PDP) 11.872, saatos pangawasan 11.393 urang, sareng pasién masih dalam pengawasan saseueur 479 urang. Kanggo ODP saseueur 56.652 urang, saatos pamantauan saseueur 55.330 urang, sareng orang masih dalam pemantauan saseueur 1.324 urang.