Hujan Nyieun Cilaka. – Wasunda

Diadaptasi ti carita Hujan Nyieun Cilaka ti Buku Kumpulan Fiksimini Basa Sunda Kuliah Jeung Séksual Karya Iman Setiawan (Imanbonyok).

Jatinangor nu kacida bébasna. Sok nyadiaan waé kosan atawa kontrakan nu bébas, bebas dina hartosan sagala bisa. Bisa jujuralitan, gogorowokan, maén futsal. Atuh teu bisa euy maén futsal di kosan, kecuali lamun maén dina PS. Nyaéta téa, kusabab bébas, aya hiji carita pamuda jeung pamudi mahasiswa Jatinangor, si Dudung jeung si Ratna. Hiji jodo nu katelah romantisna, kamamana bareng, bucin lah mun ceuk jalma jaman ayeuna mah.

Harita inget kénéh malam juma’ah. Si Ratna ojol-ojol nga-chat si Dudung “Sayang, baturan abi di kosan atuh keueung, wang nonton pélem,”. Atuh si Dudung bungah, harita kénéh Dudung langsung mandi, étamah nu biasana make sabun batang, si Dudung bébélaan meuli sabun cair méh seungit, sakalian meuli parfum nu seungitna jiga buaya.

Sanepina di kosan si Ratna. Si Dudung ngamodus ngajak nonton pélem pipit séds téa gening. Jadi nyieun suasana mplix and chill téa gening méh jiga pamuda milenial. Teu lila léptop langsung dihurungkeun, éta paduduaan saré bareng di hiji kasur nu spréi na téh gambar Emyu. Bari nonton, Dudung bari ngamodus

“Tingali Yang, resepna pertempuran lingga dan yoni téh,” ceuk Dudung bari ngamodus

“Enya Yang, jigana meni raos kitu nya,” ceuk Ratna

Teu lila, étamah nu asalna dua pamuda éta nu nongton pélem. Tungtunamah pélem nu nongton maranéhna. Hadeuh-hadeuh, istigfar jaman kiwari!