Tulang-tulang Spésiés Dinosaurus Anyar Kapanggih di Australia

Ilustrasi. Fosil tapak suku dinosaurus, Gigandipus. (ANTARA/wikipedia.org)

Wasunda – Anyaran ieu aya iber nu dikonfirmasi sakumna ilmuwan ngeunaan kapanggihna spésiés dinosaurus anyar di Australia.

Pamanggihna ieu mangrupakeun salah-sahiji nu panggedéna di dunya. Sauropoda nu kadaharanna tutuwuhan ieu hirup dina périodeu Kapur kisaran 92 juta jeung 96 juta taun katukang nalika Australia ngaraket kénéh jeung Antartika.

Ahli Paléontologi ngakira-kirakeun dinosaurus ieu jangkungna aya kana 5 nepi ka 6,5 méter sarta panjangna kisaran 25 nepi ka 30 méter.

Dinosaurus nu anyar kapanggih ieu mangrupakeun dinosaurus panggedéna nu kapanggih di Australia.

Ahli Paléontologi geus méréan ngaran Sauropoda ieu Australotitan Cooperénsis. Iber ngeunaan spésiés anyar ieu nandakeun jangjalanan panjang tujuh welas taun keur ngamimitian ngagali tuluy ngabandingkeun tulangna “Cooper”, jadi dinosaurus nu leuwih dipikawanoh sacara informal, jeung pamanggihna nu lian.

Tim ti Museum Sajarah Alam Éromanga jeung Museum Queensland maké téknologi digital anyar nu ngamimitian pikeun nalungtik sacara tilu diménsi unggal tulang-tulangna keur ngabandingkeun sangkan mastikeun béda atawa henteuna pamanggihna ieu jeung pamanggih nu saacanna.

Robyn Mackénzie, nu keur ngangon sasatoanna jeung Stuart salaku salakina di taneuh maranéhna nalika duaan ieu manggihan tulang-tulang ieu, langsung ngajieun Museum Sajarah Alam Éromanga keur nunda pamanggihna ieu.

Paléo Tourism geus ngembang gancang sacara global, numatak arurang miharep loba minat internasional nalika perwatesan arurang dibuka deui,” ceuk Mackénzie nu ayeuna jadi ahli Paléontologi lapangan.

Hocknull nyebutkeun yén spésimén dinosaurus nu leuwih gedé keur nganti ditalungtik, ngimeut-ngimeut Sauropoda nu ngadaharan tutuwuhan umumna dimangsa ku Théropoda gedé.

Editor: Imanudin Abdurohman

Related Articles

Tinggalkan Balasan

Alamat email Anda tidak akan dipublikasikan. Ruas yang wajib ditandai *