Hébat! Bako Asal Garut Tiasa Tembus Pasar Asia Tenggara! – Wasunda

Teu seueur nu terang pami Bako ti Kabupatén Garut, Jawa Barat, ayeuna diékspor dugi ka kawasan Asia Tenggara, diantawisna ka Malaysia, Singapura, Brunei Darussalam sareng Negara di Asia Tenggara nu sanésna.

Dumasar ti situs resmi Pémprov Jawa Barat. Idin Suhanda salaku Ketua Asosiasi Petanti Tembakau Indonésia Kabupatén Garut uey téh gaduh kualitas nu saé pisan. Malah meureun tiasa ngalangkungan kualitas bako di sababaraha kota di Indonésia.

“Bako Garut ieu paling seueur kami pasarkeun ka Kabupatén Temanggung Jawa Tengah,” saur Idin nalika nampi kunjungan Wakil Bupati Garut, dr. Helmi Budiman, dina acara panyerahan bantpsan ti Baznas Garit, di Désa Rancabango, Kecamatan Tarogong Kalér, dikutip ti situs resmi Pémprov Jawa Barat (24/7/2020).

Idin nambahkeun, teu ngan saukur ka Jawa Tengah, bako Garut ogé kantos dipasarkeun dugi ka kawasan Asia Tenggara, mung jenisna wungkul nu bénten sareng nu dipasarkeun di Indonésia. Margi seléra seueurna urang Asia Tenggara mah bakona bako hideung.

“Sedengkeun nu kami pasarkeun ka Asia Tenggara mah, khusus produksi bako hideung,” saurna.

Saur Idin, produksi bako di Kabupatén Garut cukup poténsial, dina luas aréa pertanian bako dugi ka 10 rébu héktar, nu kasebar di 24 kecamatan.

“Produksi bako ieu rata-rata 10 dugi ka 12 ton per héktar, dina sataun,” saurna.

Samentawis éta, Wakil Bupati Garut, Hélmi Budiman nyebatkeun yén artos nu beredar di petani bako Garut dikelola ampir 8 rébu kepala keluarga, dugi ka Rp. 200 miliar.

“Ku pengeloaan pasca panén, artos nu berédar, tiasa dugi ka 400 miliar rupiahn nepi ka 600 miliar rupiah,” saur Hélmi

Hélmi nu dikawal Kepala Dinas Pertanian Kabupatén Garut, Béni Yoga nambahkeun yén Kabupatén Garut di taun 2020 ieu nampi Dana Bagi Hasul Cukai bako saageung Rp 27 Miliar, ogé ampir satengahna dikelola kanggo bidang kaséhatan.

“Kanggo pertanian nyalira mung sakitar Rp 3 miliar, nu dianggo sabagéan ageungna kanggo penanganan pasca panén, kalebet milari bako nu kadar nikotinna alit,” saurna.

Variétas bako Garut nu dipanuju ku pamaréntah Kabupatén Garut, nyaéta diantawisna variétas Tegar 1, Tegar 2, Tegar 3, A1, sareng A2.