Hayu Diajar Sejarah di Museum Kota Bandung! – Wasunda

Foto: Disbudpar Kota Bandung

“Jangan Sekali-Kali Meninggalkan Sejarah (Tong Sakali-Sakali Ninggalkeun Sajarah). Semboyan Jasmerah nu dicarioskeun Présiden mimiti Républik Indonésia Ir. Soekarno éta janten pesen utama nu bakal dihadirkeun di Museum Kota Bandung. Museum ieu diresmikeun di kaping 31 Oktober 2018 ku Wali Kota Bandung, Oded M. Danial, museum ieu mangrupakeun déstinasi wisata sakaligus sarana édukasi sareng informasi ngeunaan sejarah Kota Bandung.

Sateuacan didamel janten museum, bangunan lami ieu sateuacanna mangrupakeun hiji sakola Taman Kanak-Kanak (TK) “Frobelschool” nu dipigaduh ku Loge Sint Jan (kelompok Freemasonry) nu didamel di tahun 1880-an. Mung di taun 1950, bangunan ieu dianggo janten tempat sakola “Yahua” nu akhirna diambil alih ku pamaréntah di taun 1960.

Museum Kota Bandung Nawarkeun konsép museum ku gaya arsitektur tempu dulu atawa jaman baheula. Area payun museum dihias ku patung tokoh perintis pendidikan kaum wanita nyaéta Déwi Sartika sareng tokoh pergerakan Sunda, Emma Poeradiredja. Teras di aréa rohangan, pengunjung bakal mendakan 2 rohangan.

Rohangan mimiti nampilkeun gambar ngeunaan Wali Kota Bandung ti mangsa ka mangsa sareng tokoh penting sanésna. Salian éta aya ogé kempelan carita singkat ngeunaan ayana kota Bandung. Di rohangan kadua, pengunjung tiasa terang perkembangan kota nu dikawit ti taun 1841 dugi pas Gedung Merdéka didamel di taun 1895.

Aya ogé bangunan sanés nu tiasa dipendakan di aréa pengker. Dugi ka ayeuna bangunan éta leuwih sering dimangpaatkeun janten ruang paméran. Sababaraha paméran nu pernah diayakeun didieu diantawisna aya “InstaSunda Photo Exhibition 2018” sareng “Pameran Radio Antik 2019”. Janten pami aranjeun hoyong ngadamel paméran. Komo nu ngeunaan Bandung atanapi sejarah Bandung, tiasa dicobi ngadamel paméran didieu!

Dugi ka ayeuna Museum Kota Bandung masih teras ngumpulkeun macem-macem matéri sejarah kanggo ditampilkeun. Ngkéna bakal aya artéfak sareng wanda sejarah nu sanés boh éta dina bentuk fisik atawa rékaya multimedia.

Kumaha wargi wasunda.com? tertarik dongkap ka Museum Kota Bandung? Sok hayu kadieu! Museum ieu ayana di Jalan Acéh Babakan Ciamis no. 47 Kota Bandung. Buka unggal dinten Salasa dugi ka Ahad jam 10:00 dugi 16:00.

Sumber: Disbudpar Kota Bandung