Hari Jadi nu ka-49, BNI Kolaborasi Sareng Pémkot kanggé ngayakeun Swab Test di Balai Kota – Wasunda

Foto: situs resmi Humas Kota Bandung

500 urang ngiring uji usap (swab test) nu diayakeun di Balai Kota Bandung, Sabtu, 11 Juli 2020. Diantawisna 150 masyarakat ti rujukan puskesmas, 250 urang jajaran pulisi, sareng 100 urang karyawan bank BNI nu unggal dinten mihadep langsung sareng nasabah,

Dumasar ti situs resmi humas Kota Bandung. Uji usap (swab test) ieu nyaéta hasil ti kolaborasi antawis BNI sareng Pamaréntah Kota Bandung. Salian masihan uji usap haratos, BNI ogé ngadonasikeun 590 Alat Pelindung Diri (APD) ka Dinas Kesehatan (Dinkes) Kota Bandung. Hal éta dilakukeun dina rangka hari jadi BNI nu ka-49.

Saur Wali Kota Bandung, Oded M. Danial nu ningal gelaran swab test yén tés-tés éta dina rangka tracking kanggo ngadétéksi virus corona. Anjeunna nyarios kanggo teras ikhtiar supados teras siaga ka serangan Covid-19 ieu.

“Ikhtiar arurang kedah teras dilakukeun kanggo ngalacak kondisi éksisting. Supados jadina arurang siaga terus ka serangan Covid-19,” saur Wali Kota Bandung Oded M. Danial nu dikutip sareng disunting kana basa Sunda ti situs resmi Humas Kota Bandung (12/7/2020)

Anjeunna gé negaskeun, yén perang ngalawan pandemi ieu téh ta acan réngsé. Ku kituna Oded ngingetan sangkan wargi kedah teras waspada di pandemi ieu.

“Arurang teu apal, komo can aya hiji-hiji acan ahli nu wani nyarios iraha (pandemi) ieu bakal réngsé,” saurna.