Harepan Zalnando Kénging Jérsey ti Supardi sareng Ferdinand Sinaga – Wasunda

Foto: Situs Resmi Persib Bandung/ M. Jatnika

Zalnando gaduh kahoyong kanggó tukeuran jersey sareng kapten Persib, Supardi. Saleresna mah pas anjeunna maén di Sriwijaya kénéh, Zalnando tos hoyong tukeuran jersey sareng Supardi. Mung tacan momenna, anjeunna ngaku yén segen kénéh.

“Teu acan pendak momenna, ogé segen tukeuran jersey pas di Sriwijaya gé teu acan pendak waktos nu pas,” saur pamaén nomer punggung 27 nu dikutip sareng disunting ku Basa Sunda ti situs resmi Persib Bandung (10/7/2020)

Dumasar ti situs resmi Persib Bandung, anjeunna gé aya kahoyong kanggé ngoleksi pamaén ti tim lawan. Sanaos pamaén ieu pernah maén tur jadi bagéan ti punggawa Maung Bandung, striker hébat kasohor nyaéta Ferdinand Sinaga.

“Salian ti Bang Pardi, pamaén nu sanésna nyaéta Ferdinand Sinaga. Mudah-mudahan di hiji waktos tiasa tukeuran jersey sareng maranéhna,” saurna.

Zalnando lain tanpa alesan hoyong ngoléksi jersey téh. Anjeunna hoyong ngké-na jersey nu tos dikoleksi ku anjeunna dipajang ditapel ka témbok sareng lomari, teras kanggé carita yén manéhna pernah maén bal bareng para pamaén hebat di Indonesia.

“Abdi hoyong ngkin jersey sareng koleksi abdi tiasa dihias di témbok sareng lomari sareng kanggo carita ngkin-na,” saur Zalnando

Editor : Iman Setiawan