Gugus Tugas Nyatet Aya 28 OTG Anyar di Kabupaten Purwakarta – Wasunda

Foto: Twitter resmi Diskominfo Kab. Purwakarta

Dinten ieu, Kemis 9 Juli 2020 Orang Tanpa Gejala (OTG) nambih di angka 28 urang. Salian ti éta, Pasien Dalam Pemantauan (PDP) Nambih saurang.

Dumasar ti warta resmi Diskominfo Kabupaten Purwakarta. dr. Deni Darmawan salaku Juru Bicara Gugus Tugas Percepatan Penanggulangan Covid-19 ngajelaskeun sababaraha hiji jalmi nu kantos kénging status Orang Tanpa Gejala (OTG) sareng Pasien Dalam Pemantauan (PDP) di Kabupaten Puwarakarta.

“Dinten ieu kami nyatet kénging 23 urang OTG. Sareng panambihan saurang pasén nu statusna PDP, jumlah PDP dinten ieu janten 8 jalmi,” saur Juru Bicara Gugus Tugas Percepatan Penanggulangan Covid-19 Kabupaten Purwakarta, dr. Deni Darmawan nu dikutip sareng disuntung kana Basa Sunda ti warta resmi Diskominfo Kabupaten Purwakarta, Kamis (9/7/2020).

Anjeunna gé nyarios yén nu parantos séhat aya 30 urang jumlahna, teras aya saurang nu positif pupus, teras dinten ieu 2 urang nu positif.

“Sadayana mah, tos dinyatakeun séhat aya 30 urang. Sateuacanna, kami nyatet ogé aya saurang nu positif pupus, teras dinten ieu, masih aya 2 urang nu positif,” saurna.

Anjeunna ngingetan ka sadaya masyarakat Kabupaten Purwakarta kangge teu bosen nganggé protokol kesehatan. Tong hilap ogé nganggé masker teras kedah jaga jarak supados ieu pandemi méh teu nyebar di Kabupaten Purwakarta ieu.

“Panerapan protokol kesehatan di unggal aktifitas kedah teras dilakukeun. Tong hilap nganggé masker sareng tetep jaga jarak,” saurna.

Ku kituna, ngajaga diri ku nuturkeun protokol kesehatan nu tos ditangtoskeun masyarakat. Saheunteuna arurang salaku masyarakat tiasa saling ngajaga diri sareng ngajaga jalmi sakitar.

“Tetep nuturkeun protokol kesehatan, sareng teras nganggé masker pami aktifitas di luar imah. Ku kituna, saheunteuna arurang bakal ngajaga diri ti Covid-19,” saur dr. Deni Darmawan.