Gubernur Jabar Nyebut 7 Peluang Kangge Ngabangkitkeun Ekonomi Dina Mangsa AKB – Wasunda

Foto: kabar24.bisnis.com (11/7/2020, 11.57 WIB)

Gubernur Jawa Barat, Ridwan Kamil nyebatkeun aya tujuh sector nu tiasa ngabangkitkeun ekonomi Jawa Barat dina mangasa AKB (Adaptasi Kebiasaan Baru).

Dumasar harapanrakyat.com (11/7/2020) hal èta dumasar kana hasil kajian ti lembaga ekonomi internasional. Sektor nukahiji saur Kang Emil nyaeta investasi. Jawa Barat siap ngabageakeun perusahaan nu rencana na bakal ngarelokasi usaha ti Tiongkok ka Indonesia,dina sababaraha sasih ka payun.

“Saha wae anu tiasa mapag kasempetan ieu saatos covid-19, mangka anjeuna nu janteun pinunjul.” Saur Kang Emil dina Webinar Leader Takls iNews bertajuk di Gedung Pakuan, Kota Bandung, Kemis (9/7/2020)

Satersna, saban warsih Jabar sok jadi jawara waè investasi sa-Indonesia. Sataun ka tukang investasi nu lebet ka Jabar saajen Rp. 137 Triliun.

Salain ngandelkeun investasi, Jabar ogè keur ngamaksimalkeun swasembada pakakas kasehatan (Alkes/Alat Kesehatan) kanggo nyegah covid-19. Inovasi alkes ieu di mulai ti ngadamel pakakas rapid test dugi ventilator. Hal ieu tiasa ngajadikeun Jabar tiasa ngirangan impor alkes.

“Urang ogè tiasa janten provider  produk-produk di Indonesia, ogè tiasa janten eksportir ka sakumna wilayah nu aya di dunya, sapertos ventilator damelan PT Pindad, rapid test damelan Unpad nu hiji wanci tiasa di ekspor, ogè PCR damelan Biofarma,sarata liana,” Sanggem Kang Emil.

Nurutkeun Kang Emil, Jawa Barat diimpleng tiasa janten pusat alkes sa Indonesia. Jawa Barat ogè  ayeuna remen ngembangkeun teknologi.

Teras Kang Emil nyarios, Jabar ogè kiwari teras ngadamel inovasi dina perkawis digitalisasi. Salah sahiji program na nyaèta ngembangkeun Desa Digital. Program èta sanggem ngarobih parekonomian pilemburan di Jabar. Desa Digital ogè kapeto minangka Digital Equity and Accessibility dina kagiatan IDC Smart City Asia/Pacific Awards taun 2020.

Pangajèn èta dipibanda lantaran Desa Digital dipeunteun sanggem ngaberdayakeun balarea ogè sanggem ngaronjatkeun aksesibilitas informasi liwat internet sarta teknologi digital.

“ Nu ka genep, ekonomi jangka Panjang ieu kedah jadi kabutuhan. Ayuna keur ngabangun, nanging kainterupsi, pabrik nu ngobah plastic janten solar. Katujuh, local tourism tiasa janten peluang nu sae kangge Jabar,” Kedalna.

Kang Emil neraskeun, kagiatan ekonomi di Jawa Barat kedah sumanget deui sanajan nuju aya pandemi. Anjeuna ogè ngayakinkeun ekonomi Jabar henteu minus. Sabtu (11/7/2020).

Editor : Muhamad Hasanudin