Gheisya, Penari Cilik Binaan Sanggar Nay Sunda Kapilih Jadi Béntang Jaipong Jabar – Wasunda

Gheisya penari jaipong

Gheisya Ramadhani Isfahani nyaéta salah sahiji penari ti sanggar tari Nay Subang nu jadi binaan Lembaga Adat Karatwan (LAK) Galuh Pakuan, kapilih jadi Béntang Jaipong Jawa Barat. Anjeunna kapilih di Pasang Giri Jaipong Tingkat Jawa Barat

Gheisya tiasa ngéléhkeun puluhan pamilon ti kabupaten/kota di Jawa Barat nu diayakeun di Kiaracondong kota Bandung, Ahad (5/1/2020) sonten. Pasang giri ieu téh ngarebutkeun piala Wali kota Bandung.

Rezantia ibuna ti Gheisya nyarios, préstasi nu dipikakénging putrina di ajang Pasang Giri di tingkat Jabar ieu, kénging support sareng dukungan moril ti Ratu Agung LAK Galuh Pakuan Ambu Indung Budak Noviyanti Maulani pangasuh sanggar Tari Nay Sunda Subang, sareng peran ti pelatih Kang Andri Nugraha

“Allhamdulillah, simkuring ngahaturkeun nuhun ka pangasuh Sanggar Nay Sunda Subang Ratu Agung LAK Galuh Pakuan Ambu Indung Noviyanti Maulani sareng pelatih Kang Andri Nugraha, nu parantos nyuport Gheisya dugi ka Gheisya kénging préstasi terbaik di tingkat Jabar, jadi béntang Jaipong Jawa Barat, sakali deui hatur nuhun pisan ka Ambu sareng Kang Andri, khususna ka Raja LAK Galuh Pakuan Rahyang Mandalajati Evi Silviadi,” saur Rezantia ka wartawan di Subang, Ahad (5/1/2020) wengi.

Ku kapilihna Gheisya jadi Béntang Jaipong Jawa Barat Rezantia ibuna gaduh harepan, kénging pangakuan ti Pémkab Subang, ku préstasi nu tos diraih putrina. Sanajan yuswana masih 10 taun jeung masih Kelas 4 di SDN Perumnas 1 Subang, tapi tos gaduh préstasi nu teu éléh ku barudak nu sakola di SMP atawa SMA sadarajat.

“Simkuring sih hoyong, aya pangakuanlah ti pamaréntah, khususna ti Pemkab Subang, kumargi seueur nu tos gaduh préstasi ngangkat sareng mawa harum nama baik daérah, can pernah kénging perhatosan ti pamaréntah,” saurna 

Ku kituna Andri Nugraha pelatih tari Gheista di Sanggar Tari Nay Sunda Subang ngaku bangga, nu atos dipigaduh putri didikna di Pasang Giti Jaipong tingkat Jawa Barat. Nu diareupkeun yén préstasi Gheisya terus lajeng ka ajang nasional, komo internasional mah. 

“Simkuring salaku pelatih tari Gheisya ngiring bingah nu atos dipikénging ku Gheisya,” saur Andri.

Andri gé nyebarkeun, Gheisya pantes kapilih janten béntang jaipong Jawa Barat, kumargi diantawis putri didikna di Sanggar Tari Nay Sunda Subang, Gheisya nyaéta salah sahiji murid nu paling aktip sareng gaduh  kahoyong nu kuat kanggé kénging préstasi.

“Ti mimiti kuring tos ngaduga, Gheisya bakal jadi panghadéna di Pasang Giri Jaipong tingkat Jabar di Kota Bandung ieu téh, margi anjeunna murid nu paling aktip jeung gaduh kahoyong jadi panghadéna, tos aya dina raga Gheisya,” saurna.

Cariosan sarupa dicarioskeun ku Ratu Agung LAK Galuh Pakuan Ambu Indung Budak Noviyanti Maulani, naon nu tos dipikénging Gheisya, mawa harum Sanggar Tari Nay Sunda Subang sareng Galuh Pakuan sarta Pémkab Subang. Margi Gheisya tampil ri Pasang Giri Jaipong tingkat Jabar di Kota Bandung éta, mawa nami nu jadi binaan LAK Galuh Pakuan, nu ngawakilan kabupaten Subang. Ku préstasi Gheisya ieu, Raja LAK Galuh Pakuan Rahyang Mandalajati Evi Silviadi parantos nyiapkeun hadiah spesial kanggé Gheisya.

“Nya tos salayakna Bupati Subang Pa Ruhimat, teu saukur masihan apresiasi atawa panghargaan, tapi perhatian ka seniman nu mawa harum Subang di tingkat Jawa Barat. Pami henteu, keterlaluan pisan, pami ti Galuh Pakuan, Kang Raja tos nyiapkeun hadiah kanggé Gheisya, terang naon hadiahna? Nu penting aya, teras hadiah éta janten hiji bentuk aprésiasi ti Raja Pakuan,” saur Noviyanti.

Noviyanti gé gaduh harepan sareng ngaduakeun Gheisya, nalika ngkin ngawakilan Jawa Barat di tingkat nasional, tiasa jadi nu panghadéna, kanggé kahareupna tiasa ngawakilan Indonesia di ajang Internasonal. 

InsyaAllah kuring support sareng dukung terus, naon nu jadi cita-cita Gheisya, Galuh Pakuan pasti ngahareupkeun terus dina hal ngalestarikeun, sareng ngajaga seni teras budaya nu kudu arurang jaga kalestarianana ulah nepi ka punah, kagerus ku éra globalisasi,” saurna