Geura Jagjag, Puja! – Wasunda

Foto: Situs Resmi Persib Bandung/ Amandeep Rohimah

Pamaén Persib Puja Abdillah, dugi ka ayeuna masih ngaringkuk di Rumah Sakit (RS) Al Ihsan Balééndah, Kabupaten Bandung, anjeunna aya pepeur di bagéan mastakana.

Ku kituna, du’a sinareng support ti pamaén Persib sarta official kanggé pamaén ieu teu weléh datang supados Puja tiasa jagjag waringkas latihan deui sareng para punggawa Maung Bandung.

Dumasar ti situs resmi Persib Bandung. Saréngséna ngagelar rapat internal di Graha PERSIB, Jalan Sulanjana no. 17 Bandung, skuad asuhan Robert Rene Alberts nyempetkeun ngadua sareng dukungan supados Puja tiasa jagjag waringkas deui.

Du’a sinareng support salah sahijina nyaéta aya ti gelandang senior Persib Bandung nyaéta Dedi Kusnandar. Anjeunna nyarios yén Puja kuat terus sareng masih bageéan ti tim Maung Bandung.

“Kanggé Puja, kuat terus, arurang masih babarengan jeung Puja,” saur gelandang senior Dedi Kusnandar nu dikutip sareng disunting kana basa Sunda ti situs resmi Persib Bandung (8/7/2020).

Cariosan nu sami diungkapkeun ku Kim Jeffry Kurniawan, Nick Kuipers, sareng punggawa Maung Bandung nu sanésna. Supados Puja tiasa jagjag deui. Supados tiasa latihan babarengan deui sareng para punggawa Persib Bandung.

“Puja, tetep kuat, tim sadayana nyaah ka Puja, PERSIB bakal terus di tukangeun puja sareng gera jagjag. Come on, bro!” saur Kuipers

Sapertos warta saacanna, Puja kedah dirawat di Rumah Sakit margi peupeur di bagéan mastakana. Saur Ibuna, ieu panyawat téh jigana tos lami, mung nembe ayeuna karaosna. Da tara dirasa téa ku Puja. Jadi dugi ka ayeuna, Puja masih kedah diinfus sareng ngaringkuk di Rumah Sakit Al-Ihsan Balééndah, Kabupaten Bandung

Jagjag waringkas Puja, geura cageur geura maén bal deui!

Iman Setiawan