Gara-gara Moro Langlayangan di Jalan Tol Rumaja 17 Taun Maot Kasérémpet Mobil – Wasunda

foto: jabar.tribunnews.com

Padalarang – Saurang Rumaja lalaki maot katabrak pas nuju moro langlayang di Jalan Tol tepatna di Km 119 Jalur A Desa Mekar Sari, Kacamatan Ngamprah, Kabupaten Bandung Barat, Provinsi Jawa Barat.

Korban namina Asep Supriasdi (17), statusna pelajar, anjeuna mangrupikeun warga Kampung Cisalak RT 01 RW 05, Desa Ngamprah, Kacamatan  Ngamprah, Kabupaten Bandung Barat, Provinsi Jawa Barat.

Dumasar jabar.tribunnews.com Dina artikel “Berburu Layang di Jalan Tol, Pelajar di KBB tewas Terserempet Mobil” Senén, (3/8/2020) Kanit Laka Polres Cimahi Iptu Erin Herinduansyah ngajelaskeun yèn kajadian èta kajantenan dina tabuh 17.00 WIB dina dinten Minggu (2/8/2020).

“Kandaraan Toyota Yaris Nomer Polisi B- 1110- WFV ti arah Jakarta ka arah Bandung, mobilna maju ku kacepatan nu lumayan tarik, pas di tempat kajadian perkara kandaraan Toyota Yaris èta nyèrèmpèt jalmi nu nuju moro langlayangan,” Sanggem Erin pas dikonfirmasi Tribun Jabar, Minggu (2/8/2020).

Erin nguningakeun yèn akibat tina kacilakaan lalu lintas èta penyebrang jalan dugi ka ngacleng sareng langsung maot di tempat kajadian perkara.

“Masih dina tahap penyelidikan,” Kanit Laka Polres Cimahi Erin Herinduansyah ngajelaskeun.

Anjeuna ogè nambihkeun yèn korban langsung dicandak ka Rumah Sakit Cahya Kawaluyan Padalarang. 

Dumasar realitarakyat.com (3/8/2020) dina artikel “Seorang remaja Tewas Tertabrak Akibat Kejar Layang Hingga Ke Jalan Tol” Kapolisian kéngéng laporan yén aya kacilakaan di Jalan Tol Padalarang, Polisi langsung datang ka lokasi kajadian, teras ngalakukeun olah tempat kajadian perkara (TKP), polisi nyuhunkeun katerangan ti papada saksi sareng nga evakuasi jenazah korban ka Rumah Sakit Cahya Kawaluyan Padalarang.

Erin ngajelaskeun yén kasus ieu masih aya dina proses penyelidikan pihak kapolisian, teu acan aya nu di tahan boh kandaraan atanapi supir nu terlibat dina kacilakaan maut ieu.

“Pribados ngahimbau ka papada masarakat supados teu dugi ka maén langlayang di sabudereun jalan raya atanapi dugi ka jalan tol, Lantaran hal éta bakal ngabahayakeun nyawa manusa, sareng bakal ngaganggu kasalametan pamaké jalan. Tos seeur korban pengendara motor nu kajerat tali kanglayangan,” Sanggem Erin. Senén (3.8/2020).