Gara-Gara Duit 400 Rèbu Salaki Ngajual Pamajikanana – Wasunda

Foto: Jabartribunnews.com

Satuan Reserse Kriminal Polres Cianjur ngabongkar kasus salaki nu ngajual pamajikanana dina media online. Salaki na ngagunakeun salah sahiji aplikasi dina  media online sangkan bisa ngajual pamajikanana. Dangeut ayeuna Mapolres Cianjur geus ngamankeun salaki nu inisial na EY (48) nu geus ngalakukeun tindak kajahatan prostitusi online. Kapolres Cianjur AKBP Juang Andi Priyanto nguningakeun yèn  praktek salaki nu ngajual pamajikanana kabongkar ku timsus Satreskrim Polres Cianjur tanggal 16 Juli 2020.

AKBP Juang Andi Priyanto nambihkeun katerangan ka Tribun Jabar yèn cara palaku ngapromosikeun korban na ku cara ngaupload foto-foto korban kana salah sahiji aplikasi media online, tos kitu saha waè anu minat langsung muka komunikasi dina èta aplikasi, upami pelanggana kersa korban dicandak kapenginapan kangge muaskeun pelanggan. 

Kapolres nguningakeun palaku matok tarif korban ka pelanggana saharga Rp.400 rèbu, tina opat  ratus rèbu èta palaku motong kauntungan  25 persen atawa Rp 100 rèbu, hal èta dilakukeun ku korban dina unggal transaksi. 

Kulantaran kadesek ku kabutuhan èkonomi palaku boga inisiatif jang nagjual pamajikana sorangan. Kasat Reskrim Polres Cianjur AKP Anton ngadugikeun polres tos ngamankeun dua barang bukti, artos Rp400 rèbu , dua kondom sareng KTP palaku.

“Palaku diancam pidana Pasal berlapis pasal 2 dan atau pasal 10 UU RI 21 taun 2007 tentang pemberantasan tindak pidana perdagangan orang dan atau pasal 296 KUHP. Ancaman hukuman maksimal 15 tahun penjara,” Sanggemna.

Kasus salaki nu ngajual pamajikanana ogè kajadian di Pasuruan, pamajikanana dijual ka babaturana sorangan, kasusna mirip video Vina Garut. Saatos diungkap ku  pihak kapulisian, pas pamajikana dijual ka babaturanana kaayan pamajikana keur ngandeg 4 sasih. Palaku alias salaki korban , Moch Sabik Setyawan (28) tos tilu taun ngajual pamjikanana, ti taun 2017. Palaku di gawè jadi karyawan konveksi di Pasuruan, sedengkeun korban Ibu Rumah Tangga. Korban dicandak ka rumah sakit kangge di visum. Palaku dijerat Pasal nu sarupa kengèng ancaman hukuman maksimal 15 taun penjara. Senin, (20/7/2020).

Editor : Muhamad Hasanudin