#GagalkanOmnibusLaw di Twitter Nuju Viral! – Wasunda

Tagar #GagalkanOmnibus Law dugi ka ayeuna, Kemis 16 Juli 2020 tabuh 12:30 janten trending nomer 1 di Indonesia.

Foto : Twitter

“Kanggo anjeun nu can tiasa gabung dinten ieu di jalan, di mana wae di titik aksi seluruh Indonesia. Anjeun tiasa ngabantos rencang nu aksi sareng ngagabung dina aksi digital. Tong hilap nganggo hastag!” ajakan ti akun twitter @fraksirakyat_id nu tos disunting kana basa Sunda.

Omnibus Law mangrupakeun metode atawa konsep aturan nu ngagabungkeun sababaraha aturan nu substansi aturanna béda, jadi hiji aturan ageun nu fungsina jadi payung hokum, sareng dina mangsana aturan éta diundangkeun aya konsékuénsi nyabut sababaraha aturan hasil gabungan sareng substansina salajengna dinyatakeun teu berlaku, noh éta sabagéan atanapi sadayana.

Omnibus ayeuna nuju janten perbincangaan di unggal pihak, mulai tina kebijakanna nu teu sesuai sareng teu adil bagi sababaraha pihak. Dumasar ti situs katadata.com. aya 9 alesan naha Omnibus Law kedah ditolak. Mimiti, leungitna katangtuan upah minimum Kabupaten/Kota. Kadua, masalah aturan pesangon nu kualitasna nurun jeung teu aya kapastian. Katilu, KSPI nganggep, Omnibus Law bakal ngagunakeun tanaga alih daya beuki luas. Kaopat, sanksi pidana kanggo perusahaan nu ngalanggar dihapuskeun.

Ka lima, ngeunaan jam kerja nu dianggap eksploitatif. Ka genep, karyawan kontrak bakal sesah janten karyawan tetap. Ka tujuh, ngagunakeun Tenaga Kerja Asing (TKA) nu bebas kaasup buruh kasar. Ka dalapan, PHK nu beuki gampang. Sareng terakhir, leungitna jaminan sosial kanggo para buruh.

Dinten ayeuna, di Gedung DPR nuju aya rapat ngeunaan RUU. Salah sahiji diantawisna nyaéta RUU Omnibus Law. Para buruh, mahasiswa, sareng sababaraha golongan masyarakat nuju demo di Gedung DPR RI Kota Jakarta, ogé nu di luar Jakarta. Darémo di sababaraha titik gedung DPRD unggal Kota. Salian ti éta, kanggo nu teu tiasa aksi ka sababaraha titik demo. Di twitter ogé nuju ramé kanggo nyuarakeun aksi ieu liwat media.