Fébri Hariyadi Diondang Deui Timnas Kanggo Lanjutan Kualifikasi Piala Dunia 2022 – Wasunda

Foto : persib.co.id/ Gregorius A. K

Jadwal Timnas Indonésia di sésa Kualifikasi Piala Dunia 2022 Zona Asia tos dirilis. AFC mindahkeun jadwalna ka sasih Oktober sareng Nopémber. Matchday 7-8 dijadwalkeun ka kaping 8 sareng 13 Oktober 2020. Teras matchday 9 sareng 10 digésér ka kaping 12 sareng 17 nopémber. Kedahna pertandungan ieu tos digelar di sasih MAret sareng April. Tapi sadayana katunda ku sabab pandemi.

Timnas Indonésia masih gaduh tilu laga sésa kualifikasi Piala Dunia 2020, nyaéta nganjang ka markas Timnas Thailand, ngajamu Timnas Uni Émirat Arab (UEA), sareng dijamu ku timnas Vietnam. Pasukan garuda di laga sateuacanna teu acan ngaraih poin hiji-hiji acan nu jadina Timnas Indonésia jadi kuncén di grup G ogé teu gaduh harapan kanggo lolos ka babak salajengna kanggo Piala Dunia. Sanos kitu, hasil ti tilu laga terakhir ieu bisa ngaruh ka Kualifikasi Piala Asia 2023.

Dumasar ti situs resmi Pérsib Bandung. Febri Hariyadi nu jadi gelandang Maung Bandung, kénging deui panggilan kanggo maén di lanjutan Kualifikasi zona Asia kanggo Piala Dunia 2020 di Qatar. Panggilan ieu aya dina surat resmi PSSI nomer 1403/AGB/251/VIII nu didugikeun ka PT Pérsib Bandung Bermartabat dinten Juma’ah  kaping 17 Juli 2020 kamari.

Fébri dipiharep dongkap sareng ngiring pamusatan latihan kanggo kasiapan tim nyanghareupan puteran kadua kualifikasi Piala Dunia Qatar 2020. Ku kituna, Plt Sekretaris Jéndral PSSI, Yunus Nusi nyerat isi suratna ngeunaan harepan kanggo Fébri supados tiasa dongkap, sanaos Indonésia tos teu gaduh kasempatan deui lolos ka babak salajengna.

“Ku serat ieu kami dugikeun Tim Nasional Senior Pria Indonésia bakal ngiring gelaran lanjutan Kualifikasi Piala Dunia Qatar 2022 puteran 2 di kaping 8 Oktober 2020. Sahubungan sareng hal éta, PSSI bakal ngalakonan pamusatan latihan Tim Nasional Senior Pria sebagai kasiapan nyanghareupan turnamen ieu,” tulis serat nu ditawis ku Plt Sekretaris Jéndral PSSI, Yunus Nusi, dikutip ti situs resmi Pérsib Bandung (22/7/2020).

Dumasar agénda, pamaén nomer 13 Maung Bandung ieu bakal ngawitan latihan bareng skuat Garuda ti kaping 23 Juli 2020 dugi ka 8 Agustus 2020 di Stadion Madya Senayan Jakarta.