Fakta Unik Bincang Bintang Pérsib: I Madé Pernah Maén Baskét! – Wasunda

Foto: persib.co.id/Gregorius A.K

Radio 964FM hadir deui liwat program Bincang Bintang Pérsib dinten Rebo kaping 29 Juli 2020 tabuh 08:00 WIB dugi ka tabuh 10:00 WIB tadi énjing. Dina danget ieu, Niniet Kaluna salaku host Bincang Bintang Pérsib ieu kadongkapan dua tamu sakaligus, nyaéta kiper senior I Madé Wirawan sareng Dédi Kusnandar atawa biasa dilandian Dado di rohangan siaran.

Salian ti kadua pamaén ieu, bakal aya ogé dua pamaén Prawira Bandung, Réza Guntara sareng Firman Dwi Nugroho nu siap disiarkeun di program nu sami. Dina acara ieu, Ninie Kaluna ngupas tuntas kabar nu ayeuna ti kaopat tamuna dina nyanghareupan Adaptasi Kebiasaan Baru (AKB/Adaptasi Kabiasaan Anyar).

Dumasar ti situs resmi Pérsib Bandung, Program Bincag Bintang Pérsib ieu téh bisa diaksés liwat saluran streaming atawa aplikasi PERSIBapp.

Ti hasil siaran tadi, Program Bincang Bintang Pérsib mendakan fakta unik ngeunaan I Madé Wirawan. Saha nu nyangka, punggawa Maung Bandung ieu pernah aktif maén bal baskét? Di acara ieu anjeunna ngaku yén pernah milih aktif maén bal baskét.

Dina acara ieu, Madé ngaku yén bal baskét ieu téh jadi olahraga pilihanna nalika anjeunna calik di bangku SMP. Mung, dina waktos nu sami éta gé anjeunna kedah milih antara maén bal atawa bal baskét.

“Jadi kapungkur aya Porseni (Pekan Olahraga dan Seni) di sakola. Teras harita téh béntrok, basket sareng bola. Jadi abdi kudu milih, teras akhirna milih maén bal, pilihan ieu gé dugi ka dinten ayeuna,” saur Madé, dikutip sareng disunting kana basa Sunda ti situs resmi Pérsib Bandung.

Anjeunna gé ngaku wanoh sareng sababaraha pamaén baskét khususna asal Bali di éra 1999-an dugi ka awal taun 202020. Sebat waé Cokorda bersaudara, I Madé Lolik Sudiadnyana, Riko Hantono, Tri Adnjaadi Lokatanaya atawa Suwandi Menara, anjeunna gé ngaku pernah tukeuran jersey sareng pamaén basket diditu.

“Abdi gé sempet tukeran jérsey sareng Daniel (Timothy) Wenas,” saurna.

Anjeunna gé miharep tim Prawira nu jadi tim Baskét ti Bandung bisa gaduh préstasi.