DUA IBU-IBU DI TASIK TIWAS DISEUREUD NYIRUAN!!! – Wasunda

Sumber : www.republika.co.id

Warga Kabupaten Tasikmalaya, Kecamatan Kadipaten, Desa Dirgahayu, kampung Cilongkéang di geunjleungkeun ku rebuan nyiruan anu nyeureud dua belas urang ibu-ibu anu keur jongjon ngagarap sawah blok jolok, masih di kampung Cilongkéang. Henteu jauh ti sawah anu keur di garap aya sayang nyiruan ngagantung dina hiji tangkal kai, kusabab angin anu gede kacida ngajadikeun si nyiruan éta birat ngarasa kaganggu. Ahirna nyerang 12 jalma anu keur resep ngagarap sawah. Nyaho yén aya nyieuan anu datang rék nyeureud, atuh kabéh jalma anu aya didinya sarua panik jeung biratna kamana karep.

Saenggeus kajadian éta, 12 ibu-ibu dibawa ka rumah sakit Lambou Ciawi sababning keuna seureud nyiruan. Hanjakal pisan ibu Aminah (74) jeung ibu Elah (57) teu bisa ditulungan kusabab duanana diseureud loba pisan.

Pupuhu Desa Dirgahayu, Bapak Yana Rohana ngajelaskeun yén pamaréntah desa geus usaha ngusir éta nyiruan sangkan pindah sumawanten dugikeun ka diduruk éta sayang nyiruan téh. Lian ti kitu anjeuna ogé ngalarang warga anu sanésna nyaketan eta tempat kumargi nyiruan ieu kacida pisan galakna.

“ayeuna pamaréntah désa keur rapat, mikiran solusi sangkan nyiruan ieu pindah.” Ceuk Yana Rohana.

Seureudan nyiruan boga racun anu bisa jadi sabab bareuh jeung karasana nyeri pisan. Kanggé jalma anu boga alérgi bisa  jadi pimatakeun nepikeun ka tiwas.

Gajala hasil seureudan nyiruan téh mengrupa-rupa, tinu babari nepi ka parah. Tapi balik deui ogé kana kondisi kaséhatan awak sorangan. Jalma anu boga alérgi ku racun nyiruan bakal aya gejala saperti: kulit pias, lieur, sebel, diare, raray bareuh,hésé nelen, sesek napas jeung pingsan.

Kusabab kitu pamaréntah désa boga rencana dék ménta bantuan ti damkar kanggé ngusir éta nyiruan. Minimal sayang nyiruan éta pindah ka tempat lain, saptu (11/7/20)