DPU Kota Bandung Gencar Ngadamel Drumpori Kanggo Nyegah Banjir – Wasunda

Foto : Humas Kota Bandung/ Teguh.P

Dinas Pekerjaan Umum (DPU) Kota Bandung nuju gencar nambih drumpori ka sadaya wilayah pamukiman warga. Dugi ka awal Juli 2020, saseueur 1.797 drumpori didamel di Kota Bandung. Drumpori nyaéta hiji métode kanggo nyegah banjir, métodena yén ti drum nu tos dikubur jang nahan cai pami aya hujan.

Kepala DPU Kota Bandung, Didi Ruswandi ngungkapkeun yén kaayaan drumpori cekap éféktif kanggo nyerep cai dina mangsa usum hujan. Nu jadina volume air nu lebet ka drainase atawa jalan bisa lumayan ngurangan.

Dumasar ti situs resmi Pémprov Jawa Barat. Didi Ruswandi miharep di akhir taun 2020 ieu anjeunna nargétkeun 3.500 drumpori nu bakal didamel.

“Ayeuna téh jumlahna tos dugi ka 1.797 per 10 Juli kamari. Dipiharep akhir tahun tiasa kadamel 3.500 drumpori. Kami tos ngagerakeun unggal UPT (Unit Pelaksana Téknis),” saur Didi Ruswandi di acara Bandung Menjawab di Auditorium Rosada, dikutip sareng disunting ka basa Sunda ti situs resmi Pémprov Jabar (22/7/2020).

Didi optimis target éta kalakonan margi minat masyarakat di lapangan nu cekap ageung kanggo ngadamel drumpori di téras imah.

“Sapertos di Cigadung, awalna masyarakat hare-haré, tapi pas turun hujan jadi ningkat animo-na. kecamatan ogé tos seueur nu ngajukeun,” saurna.

Didi nyebatkeun pami sadaya imah di Kota Bandung ngadamel drumpori, saheunteuna bakal aya 500 rébu unit. Éta dilakonan bertahap ku dibarengkeun ku édukasi ka masyarakat. Tujuanna supados langkung seueur nu minat kanggo masang drumpori di bumi, tempat damel atawa ruang publik sanésna.

Salian éta, sambung Didi, tahun ieu DPU tos ngacanangkeun kanggo ngadamel sumur imbuhan sedang. Ku prinsi nu ampir mirip sareng drumpori, mung gaduh kapasitas daya serep nu langkung ageung.

Aya dua pakét éta sumur imbuhan sedang. Volumena langkung ageung ti drumpori nyaéta kirang langkung 60 dugi ka 100 metér kubik. Ieu bakal dicobi dipasang di Rusunawa Cingised. Salian ti éta, program KCIC (Kereta cepat China-Indonésia) di handap layangna dijadikeun kolam reténsi sakaligus sumur imbuhan sedang,” saurna.

Salian ti éta, dina upaya antisipasi banjir, kolam réténsi di Jalan Bima tos tiasa difungsikeun kanggo nahan sementara cai nu mudal di Daérah Aliran Sungai (DAS) Citepus. Sanaos dugi ayeuna pembangunanna teu acan réngsé, da dimalena ku sacara swakelola.