Disdamkar Limbangan Berhasil Ngaévakuasi Sarang Tawon di Opat Lokasi Cibatu Garut – Wasunda

Foto: Pémkab Garut

Tim Animal Réscue UPT Dinas Pemadam Kebakaran (Disdamkar) Limbangan, Garut, berhasil ngaévakuasi sarang tawon (éngang) di opat lokasi nu bénten di Désa Cibatu, Kecamatan Cibatu, kabupatén Garut dinten Juma’ah kaping 31 Juli 2020 wengi kamari.

Ku ayana évakuasi sarang tawon di opat lokasi nu bénten ieu téh supados sarang tiasa ditempatkeun di tempat nu leres. Margi pami ieu sarang aya dimana waé, bilih nyeureud ogé ka warga nu ngaliwat. Jadi Tim Animal Rescue UPT Disdamkar langsung sigep kanggo ngalakukeun évakuasi supados aman sareng nyaman.

Dumasar ti situs resmi Pemerintah Kabupatén garut, Syam Sumaryana salaku Kepala UPT Disdamkar Limbangan nyarios yén pihakna sateuacanna nampi opat lapran ti Kepala Désa Cibatu, Dadang (50), kakait kaayaan sarang tawon, nyaéta di Kampung Pasko RT. 01 RW 01 Désa Cibatu Kecamatan Cibatu, bumi gaduh Ny. Sri Andayani (35), di dua bumi di Kampung Babakanloa RT 03 RT 04 bumi gaduh Ustad Atao (48) sareg Asép Kusnadi (52), sarta di Kampung Rancabatu RT 01 RW 07 bumi gaduh Asép Suhérman (54). Ti laporan, saur Syam, pihakna nurunkeun 1 unit kandaraan nu eusina opat anggota réscue kanggo évakuasi sarang tawon.

Ku kituna Syam Sumaryana nyarios Tim Animal Rescue tos ngaréngsékeun tugasna nu tos dilaporkeun ka Disdamkar Limbangan. Tim Animal Rescue berhasil ngaréngsékeun évakuasi ti tabuh 19:00 WIB dugi ka 21:50 WIB.

“Tim Animal Rescue berhasil ngaévakuasi sarang tawon di lokasi mimiti kirang langkung tabuh 19:00 WIB, dugi ka lokasi kaopat tabuh 21:50 WIB,” saur Syam, dikutip sareng disunting ku basa Sunda ti situs resmi Pemerintah Kabupatén Garut (4/8/2020).

Dumasar katerangan Kepala Désa Cibatu, adang, kaayaan tawon ieu tos ti kapungkur aya di hateup bumi warga ogé ngadamel jalmi sakitar sieun ngalintas di sakitar lingkungan éta, margi hawatos nyeureud saha waé nu ngaliwat, nu jadina anjeunna inisiatif ngahubungi call cénter 113 UPT Damkar Limbangan.

Salah saurang warga nu akim disebat namina, ngucapkeun hatur nuhun sareng aprésiasin ka Kadés Cibatu margi tos tanggep ngantisipasi panyebaran sarang tawon di lingkunganna.