Désa-Désa Di Kabupatén Cirebon Meunang Jaringan Internét – Wasunda

Foto : tribunjabarnews

Dina wanci kiwari kahirupan tos galib jeung anu ngarana internét, henteu bisa leupas sabab internét geus dianggap jadi kabutuhan primer. Cirina nayéta, sagala naon informasi anu dibutuhkeun bisa diaksés ku ngaliwatan internét. Timimiti berita dugi ka référénsi tugas palajaran ti sakola atawa ti kampus, sadaya tiasa dipilari dinu ngarana internét.

Sanajan kitu, internét ieu tetep moal bisa dimanfaatkeun lamun seug teu aya samungan jaringan fiber optikna. Kantenan di daérah-daérah anu terpencil, tebih ti kota. 

Pamaréntah Kabupatén Cirebon ngartos kana kondisi parobahan zaman, yén kiwari akses internét kalintang penting pisan. Akhirna Pemkab Cirebon ngadamel targét supados sambungan jaringan fiber optik tiasa ngahontal sadaya désa sareng kalurahan sa-Kabupatén Cirebon di sasih September 2020.

Bupati Cirebon, Imron Rosyadi mastikeun désa-désa di kawasan parbatasan bakal tiasa ogé ngaaksés internét. 

“Désa-désa anu aya di parbatasan langsung sareng Kabupatén Kuningan atanapi sareng Jawa Tengah, insyaalloh bakal di fasilitasan jaringan fiber optik.” Saur Imron.

Fasilitas éta hasil tina kerjasama sareng PT Telkom. Ku ayana jaringan fiber optik ieu bakal ngabantuan pisan kanggo masarakat khususna barudak anu sakarola sangkan tiasa ngaaksés internét jang kapentingan sakolana bisa leuwih gampang, teu kedah ngatosan heula tower di wangun.

Bupati Cirebon ngaharepkeun, tina jarignan internét ieu bakal ngadorong kamajuan Kabupatén Cirebon disagala widang. Aksés internét ngamungkinkeun warga kengéng informasi anu énggal atanapi digunakeun supaya tiasa bisnis online.

Saleresna Pemkab Cirebon ogé aya tujuan lain ku disambungkeun na jaringan internét ieu, nyaéta supados tiasa ningkatkeun sareng ngagampilkeun dina perkara palayanan kanggé masarakat Cirebon.

Asistén pamaréntahan sareng Késra Kabupatén Cirebon, Hilmy Riva’i nambihan, sajauh ieu atos aya 270 désa anu tos nyambung ku fiber optik. Pihakna atos nargetkeun supados di sasih Séptémber ngkin, sadaya désa sareng kalurahan di kabupatén Cirebon atos tiasa ngaaksés kana Jaringan Internét.

“insyaallah, Séptémber taun ieu sadaya désa atos nyambung sareng jaringan fiber optik.” Saurna.

Pihakna nyuhunkeun dukungan ka sadaya pupuhu désa sa-Kabupatén Cirebon supados tiasa ngamanfaatkeun fasilitas ieu sahadé-hadéna, saptu (1/8/2020).