Danséktor 22 nu Anyar Siap Ngalanjutkeun Program Citarum Harum – Wasunda

Foto: humas.bandung.go.id

Pemerintah Kota (Pémkot) Bandung sareng Satuan Tugas (Satgas) Citarum Harum Séktor 22 ngagelar Sillaturahmi nu diisi ku mincing bareng di Café sareng Pamancingan 89, Jalan Budi, Kota Cimahi, sinten Sabtu kaping 8 Agustus 2020.

Dumasar Humas Kota Bandung, sillaturahmi ieu dihadiran ku Wali Kota Bandung Odéd M. Danial, Komandan Séktor (Dansektor) 22 CItarum Harum Kolonél Ind Éppt Gustiawan, sarta wawakil Organisasi Perangkat Désa Daérah (OPD) sareng kawilayahan Pémkot Bandung. Hadir ogé Kolonél Inf. Asép Rahman Taufik nu sateuacanna ngajabat Danséktor  22 Citarum Harum.

“Kuring miharep silaturahmi dinten ieu mampu ngahadirkeun hiji solidatitas di antara arurang. Langkung kokoh ka payunna utamina dina ngalaksanakeun amanah nu dipasihkeun ka kami. Amanag kanggo kami ngalakukeun kolaborasi antara Pémkot sareng TNI, Polri, sareng sadaya unsur dina hiji program, nyaéta Citarum Harum,” saur Mang Odéd, dikutip ti Humas Kota Bandung (9/8/2020).

Wali kota ngahaturkeun nuhun ka Kolonél Inf. Asép Rahman Taufik nu salami ieu tos ngadamel seueur parubahan dina urusan nganata sareng ngabalikeun fungsi walungan.

“Walungan nu tadina seueur ku runtah, ayeuna tos seueur sababaraha ruas walungan nu tos normal ogé saé. Kalebet kolaborasi sareng program Mang Odéd, ngeunaan Kang Pisman,” saurna.

Salian éta, wali kota miharep Danséktor 22 Citarum Harum nu anyar, Kolonél Inf. Éppy Gustiawan tiasa ngalajengkeun program-program nu tos diwangun sateuacanna.

“Ku kolaborasi unggal pihak sareng Danséktor nu anyar, InsyaAllah Kota Bandung beuki juara,” harepna.

Samentawis éta, Kolonél Inf. Asép Rahman Taufik ogé ngahaturkeun nuhun ka Pémkot Bandung nu ngarojong anjeunna salami ngalakukeun tugas.

“Hatur nuhun Pa Wali, tos ngarojong. Kuring ogé ngahaturkeun nuhun ka para Dansub sareng unggal pihak nu nyempetkeun hadir,” saurna.

Saur Asép, program Citarum Harum kedah aya rojongan ti unggal pihak. Program pamaréntah ieu seueur

“Liwat Pérprés 15 Taun 2018, bakal kami rasakeun mangpaatna ku sadaya kalangan masarakat. Ku kituna, kuring ngahimbau ka sadaya pihak kanggo babarengan fokus dina percepatan pananggulangan panataan Daérah Aliran Walungan Citarum,” lajengna.

Sedengkeun Kolonél Inf Éppy Gustiawan nyarios yén sillaturahmu nu digelar bisa nguatkeun kakulawargaan nu tos dibina bareng Danséktor 22 CItarum Harum sateuacanna. Anjeunna ogé siap ngalanjutkeun sababaraha program salaku Danséktor nu anyar.

“Hasil upaya nu tos dilakukeun bakal angger kuring bina, jaga, sareng palihara,” saurna.