Dampak Covid-19, 1.241 Mahasiswa Unpad Tiasa Nyicil UKT sareng Kengéng Panurunan UKT – Wasunda

sumber foto: tribunjabar.id

Universitas Padjadjaran (Unpad) masihan persetujuan penyesuaian biaya Uang Kuliah tunggal (UKT) kanggé 1.241 mahasiswa. Hal ieu mangrupikeun salah sahiji upaya kampus ngaminimalisisr dampak kondisi pandemi Covid-19. Jumlah mahasiwa masih tiasa nambihan, dumasar kana proses verifikasi sareng validasi nu masih lumangsung.

 Dumasar pikiran Rakyat (26/7/2020), Wakil Rektor Bidang Sumber Daya sareng Kauangan Unpad, Prof. Dr. Ida Nurlinda, M.H nguningakeun yén, diterapkeuna kabijakan ieu téh ngacu kana Kaputusan Rektor Nomer 569/UN6.RKT/Kep/HK/2020 tentang Penyesuaian Pembayaran UKT kanggé Mahasiswa Unpad dina Semester Ganjil 2020/2021 nu dikaluarkeun 22 Juni 2020, Jeung mulai deui 7 Juli 2020 respon pangajuan ti papada mahasiswa lumayan antusias.

Batas proses pendaftarana ogé dugi ka diperpanjang ti ping 17 Juli janten 20 Juli 2020. Mahasiswa nu teu acan tiasa ngajukeun pangajuan dina laman students.unpad.ac.id dugi ka batas akhir masih tiasa dipasihan kasempetan kanggé ngajengkeun liwat mékanisme penjaringan BEM Kema sareng BEM Fakultas, kanggé salajengna di dugikeun ka fakultas masing-masing atanapi ka rektorat.

Prof. Ida nguningakeun yén panyesuaian UKT nu tiasa digunakeun ku mahasiswa nyaéta: Pembayaran UKT ku cara nyicil, Nunda UKT, Dikirangan UKT, atanapi parobihan kelompok UKT. Kanggé ngajalankeun kaputusan rektor, Unpad tos ngabentuk kelompok kerja nu sacra khusus tiasa ngurus penyesuaian UKT,dilebetna aya Wawakil ti BEM Kema sareng BEM Fakultas.

 Prof. Ida ngajelaskeun dina Pikiran Rakyat (26/7/2020), umumna jumlah mahasiswa nu ngadaftarkeun diri sareng kengéng panyesuaian UKT aya 3.939 mahasiswa, nu 724 mahasiswa diantawisna teu janten ngajukeun. Tina jumlah éta aya 1.390 pangajuan nu masih di proses di fakultas, sarta aya 492 pangajuan nu tos divalidasi fakultas sareng masih aya dina proses validasi sareng verifikasi ti pihak rektorat. Sésana 92 pangajuan masih ditunda.

Ida nguningakeun upami masih aya mahasiswa nu ngaraos sesah ku persyaratan atanapi sababaraha prosédur, mangka tiasa ngajukeun permohonan bantosan UKT nu asalna ti Kemetrian Pendidikan sareng Kabudayaan liwat proses penjaringan sareng verifikasi awal nu dilakukeun ku BEM Kema sareng BEM Fakultas. Minggu, (26/7/2020).