Daérah Operasi KAI Nambihan Jalur – Wasunda

Foto: jabarprov.go.id

PT Keréta Api Indonésia (KAI) Daérah Operasi (DAOP) 2 Bandung ngoperasikeun deui KA Jarak jauh sacara bertahap kanggo ngalayani masarakap. Pangoperasian deui perjalanan KA régulér ieu salaku wujud komitmen KAI kanggo ngalayani masarakat nu hoyong iinditan ka luar kota nganggo karéta api.

Manajer Humas PT KAI Daop 2 Bandung, Noxy Citréa nyarios yén aya opat Karéta Api Jarak Jauh nu dioperasikeun deui dina sasih Agustus ku KAI saatos saacanna dieureunkeun samentawis operasionalna. KA ieu diantawisna.

“Kami balik deui ngaoperasionalkeun sababaraha perjalanan saatos saacanna dieureunkeun ku sabab pandemi Covid-19,” saur Noxy, dikutip situs jabarprov.go.id (4/8/2020).

Opat Karéta Api Jarak jauh nu dioperasikeun deui di sasih Agustus nyaéta:

1. KA 47A Argo Parahyangan relasi Bandung – Gambir jadwal mangkat tabuh 18.20 WIB lumangsung kaping 2, 9, 17, 23 sareng 30 Agustus 2020,

2. KA 37A Argo Parahyangan relasi Bandung – Gambir jadwal mangkat tabuh 05.25 WIB lumangsung unggal dinten ngawitan ti kaping 3 Agustus dugi 31 Agustus 2020,

3. KA 130 Harina relasi Bandung – Cirebon – Semarang – Surabaya Pasarturi jadwal mangkat ti Stasion Bandung tabuh 21.40 WIB lumangsung kaping 7, 14, 21, sareng 28 Agustus 2020,

4. KA 296C Pasundan relasi Kiaracondong – Surabaya Gubeng jadwal mangkat ti Stasion Kiaracondong tabuh 10.15 WIB lumangsung kaping 7, 8, 9, 14, 15, 16, 21, 22, 23, 28, 29, sareng 30 Agustus 2020

Saur Noxy, di sasih Agustus 2020, aya sababaraha perjalanan tambahan kanggo KA Jarak Jauh di Daop 2, masing-masing dua perjalanan KA Argo Parahyangan tujuan Jakarta, hiji KA Harina tujuan Surabaya Pasarturi liwat Cirebon sareng Semarang sareng hiji perjalanan KA Pasundan rélasi Kiaracondong – Surabaya Gubeng.

“Total perjalanan KA Jarak Jauh di Daop 2 dina sasih Agustus jadi 9 perjalanan, saatos saacanna PT KAI Daop 2 tos ngoperasikeun KA Turangga (Bandung-Surabay Gubeng), KA Turangga (Bandung-Gambir), KA Serayu Pagu (Pasar Senén – Kiaraconding Purwokerto), KA Serayu Pagi (Purwokerto – Kiaracondong- Pasar Senén), sareng KA Kahuripan (Kiaracondong-Blitar),” saurna.

Noxy yarios yén dijalankeunna karéta api ieu dilakukeun deui saatos ninggal minat masarakat nu terus tumbuh kanggo ngagunakeun moda transportasi karéta api kanggo unggal tujuan.