Comro, Katuangan Lintas Zaman – Wasunda

sumber ilustrasi: youtube.com

Sanajan lahir jeung gedé di tatar sunda, teu acan tangtos resep atanapi minimalna terang naon ari comro téh. Comro mangrupikeun salahsawios katuangan tradisional anu asalna ti tatar sunda, sok sanajan kusagala parobahan jaman ngajantenkeun katuangan comro ieu tiasa dipendakan dimana baé, khususna dipulau jawa.

Katuangan combro kabilang katuangan anu nyobat pisan sareng masrakat kalangan nengah kahandap. Katuangan combro ieu langkung akrab sareng barudak kosan, sabab katuangan ieu tiasa ogé dianggé réncang sangu saupamina tuang. Ku seerna variasi sareng inovasi resep atanapi cara ngadamel ieu comro téh janten sabab yén singhoréng kalangan anu luhur ogé teu saalit anu resep kana katuangan combro ieu. 

Katuangan combro ieu asalna tina sampeu anu diparud lemut, atuh kanggé eusina tiasa dilebetan oncom. Combro nyaéta nami lain tina oncom dijero. Sanajan tutug oncomna osok di identikeun jeung daérah Tasikmalaya, tapi kiwari dulur-dulur tiasa mendakan atanapi ngadamel nyalira kanggo jeroan combro ieu. 

Masarakat sunda kiwari atawa baheula mémang sok ngamanfaatkeun olahan katuangan anu aya di kebon atanapi di pipir imah, tapi soal rasa wani ngadu jeung katuangan fast food. Tina aspek kaséhatan ogé saleresna combro ngagaduhan kaunggulan anu langkung ti katuangan fast food. Salianti ngandung karbohidrat, protéin sareng vitamin, katuangan combro ieu henteu dicampuran ku bahan-bahan pangawét anu matak janten panyakit atanapi aya efek samping kanu nuangna. 

Katuangan combro ieu lebet kana katuangan anu seueur pisan manfaatna kanggé urang sadaya. Tina aspek ékonomi, contona. Patani anu gaduh kebon sampeu sareng kalapa tiasa untung. Kitu deui masarakat anu icalan témpé  atanapi oncom. Sabab olahan katuangan combro ieu bahan utamana nnyaéta sampeu, kalapa, oncom sareng rempah-rempah lainna anu matak sono kana rasana.

Ngan hanjakal katuangan daérah sunda ieu teu patos dikenal ku masarakat nasional sabab mémang masih seueur masayakat anu ngarasa géngsi upami jajan combro téh.mayunkeun heula géngsi tibatan rasa. Tah ieu anu janten lepatna, kedahna katuangan tradisional sapertos combro ieu dikenalkeun ka masarakat luas, minimalna tiasa janten katuangan khas atanapi oléh-oléh saupami ameng ka daérah Jawa Barat. 

Katuangan comro ieu tiasa dijantenkeun katuangan jang kulawarga atanapi ogé kanggé susuguh kanu janten sémah. 

Penulis : M. Hasan