Cinta Béda!! – Wasunda

Kainspirasi ti lagu ciptaan Panji Sakti nu judulna Cinta Béda.

Ieu kisah tentang Amélia jeung Adé. Dua pamuda nu nuju ngalakonan cinta nu béda. Nya, bédana lain saukur béda pandangan kahirupan, tapi dina sagalana.

Amélia, anak profésor hébat nu pinterna teu walakaya, anjeunna ayeuna nuju kuliah S1 di kampus Padjadjaran. Sedengkeun Adé, anak buruh tani nu ogé ayeuna nuju kuliah S1 di kampus Padjadjaran ogé. Bédana di nasib, Amél tara mikiran kumaha mayar kuliah, bekelna, jeung sajabana. Sedengkeun Adé béda, sukur-sukur manéhna bisa kuliah haratis da meunang béasiswa, tapi jang bekel kuliahna, Adé kapaksa jadi ojég online balik kuliah demi gaduh cecekelan salami kuliah.

Amélia sareng Adé diamprokeun di hiji kampus nu seueur rupi-rupi jalmi, ieu kampus mémang miniatur negeri. Aranjeunna ngawitan kisah cintana ti awal kuliah, Adé resep Amél salian ti geulis, anjeunna pinter, katingal dina cara ngomong ogé cara némbal batur. Amél resep budaya sopan santunna Adé di lembur, dibawa ka kampus, ogé rajin-na Adé dina nyanghareupan kahirupan.

Samangsa bobogohan, jiga pamuda bobogohan biasana, pasti aya kondisi paséana, ributna, sagalana. Hal éta teu bisa ditahan ku Amél jeung Adé. Teu jarang maranéhna paséa gara-gara hal leutik, ogé hal gedé. Tapi nu ngaranna pasangan hadé, kudu aya cai diantara seuneu. Adé nu jadi cai diantara seuneu-na Amél.

Etá nu nyieun hubungan Amél jeung Adé bisa awét nepi ka lulusna, nepi ka kawinna. Ku sabab cinta béda ieu téh perlu. Adé bisa teterusan jadi cai diantara seuneu-na Amél. Malahan éta nu nyieun Amél malah jadi ngéléhan di unggal situasi, sanaos kudu aya heula debat mah, paséa mah.

Ku kituna, cinta émang béda. Sanaos urang kudu debat nangtukeun hiji pasualan. Teu paduli anjeun resep bola, kuring resep formula, teu paduli anjeun resep drama korea, kuring resep naughty america, teu paduli anjeun resep tentara, kuring resep perenang wanoja, teu paduli anjeun nganggo qunut, tapi kuring teu nganggo qunut. Cinta béda nu bisa nyieun Adé sareng Amélia jadi pasangan sejati.