Bonék Mania Moal Ngejat Jang Ngalawan Covid-19 di Surabaya! – Wasunda

Foto: liga-indonesia.id

Jawa Timur ayeuna masih jadi kasus pangluhurna nu kapapar Covid-19 ieu di Indonésia. Total 18.308 kasus positif di Jawa Timur, di Surabaya dugi ka kaping 16 Juli 2020, kasus positif nu kapapar Covid-19 ieu aya 7.431 kasus. Sanaos kitu, Surabaya liwat Bonék Mania ngadamel gerakan nu jadi buktos yén Surabaya teu nyerah dina kaayaan ieu. Bonék Mania ngaluncur Gerakan Sajuta Masker sa Nusantara nu pusatna di Kota Surabaya.

Dumasar ti situs resmi Liga 1 Indonésia. Gerakan liwat hastag #wanimaskeran ieu ogé diréspon ku sababaraha kalangan Bonék di sadaya penjuru nusantara. Sapertos Ambon, Balikpapan, jeung sajumlah kota-kota nu sanésna. Rencanana gerakan ieu bakal terus aya sareng berkembang dugi ka Indonésia aman ti paparan virus Covid-19.

Aksi pandukung satia Bajul Ijo ieu diabadikeun liwat video nu diposting ku akun official klub Persébaya Surabaya. Ratusan Bonék terjun ka 200 titik di pusat karaméan kanggo ngabagikeun masker. Fans Rélation Manager Persebaya, Shiddiq Maulana nyarios yén gerakan ieu nyaéta gerakan awal nu dilakukeun ku kawan-kawan Bonék.

“Ieu awal ti gerakan sajuta masker serentak sa Nusantara nu dilakukeun ku kawan-kawan Bonék pendukung Persébaya Surabaya,” saur Shiddiq Maulana nu dikutip sareng disunting kana basa Sunda ti situs resmi Liga 1 Indonésia (20/7/2020).

Salian éta, Shiddiq ogé ngajelaskeun ngeunaan Tri Wani nu nyarios ngeunaan konsép antisipasi Covid-19 di Surabaya.

“Mulai dinten ieu dugi pandemi ieu réngsé bakal aya kagiatan rutinitas kanggo nyadarkeun masyarakat ngeunaan Tri Wani, wani maskeran, wani ngawasug panangan, ogé wani jaga jarak,” lajengna.

Katingal dina postingan éta aya Présidén Persébaya Surabaya, Azrul Ananda sareng istri terjun langsung ngabagikeun pakét masker ka masyarakat Surabaya. Teu katinggaleun ogé Kapolrés Surabaya, Kombés Pol Jhonny Edison Isir nu ngiring ogé aktif dina kagiatan bagi-bagi masker ieu.

“Kami bakal ngadukung terus Tri Wani ti kawan-kawan Bonék. Margi pami ceuk survéy mah pami katilu ha lieu dilakukeun sacara konsistén panularanna bisa ngan kirang langkung 40 persén, paling rendah,” saur Kombés Pol Jhonny Edison Isir.

Gerakan Sajuta Masker ieu masih bagian ti Gerakan Bonék Wani Lawan Covid-19 nu kolaborasi sareng Badan Nasional Penanggulangan Bencana (BNPB). Gerakan Bonék Wani Lawan Covid-19 ieu digadang-gadang jadi gerakan ngalawan pandemi mimiti di dunia nu ngalibatkeun kelompok supporter.