Bawaslu Kab. Bandung Mendakan 37.189 Urang nu Teu Acan Nyumponan Syarat Janten Pamilih – Wasunda

Foto: bandungkab.bawaslu.go.id

Badan Pengawas Pemilu (Bawaslu) Kabupatén Bandung mendakan jumlah pamilih nu teu nyumponan syarat nu masih kacatet di data pamilih saseueur 37.189 pamilih. Padahal, data ieu diklaim KPU tos dikonsolidasi sareng data teranyat antara data pamilih terakhir sareng data Kamentrian Dalam Negeri nu jadina A-KWK.

Hedi Ardia salaku Kordiv Pangawasan sareng Hubungan Antarlembaga Bawaslu Kabupatén Bandung nyarios, seueurna pamilih nu teu nyumponan syarat ieu asalna ti pamilih nu tos pupus, tapi namina masih kacatet kalebet dokumén nu dugi 9 Agustus dipikaterang tos dugi 8.652.

“Pami ditingal per kecamatan, ku kituna data jalmi nu tos pupus tapi datana masih aya di lebet data pamilih ieu seseurna asalna ti Pangaléngan ogé disusul salajengna ku Cimaung,” saur Hedi di Bawaslu Kabupatén Bandung, dikutip sareng disunting kana basa Sunda ti jabarprov.go.id (11/8/2020).

Saur Hedi, pihakna ogé mendakan ayana jumlah pamilih nu teu dipikawanoh nu jumlahna kanggo samentawis ieu dugi ka 3.754, dimana kanggo data pamilih nu teu dipikawanoh ieu, mayoritas dipendakan di Cileunyi sareng Pangaléngan, sedengkeun, pamilih nu sanés penduduk satempat jumlahna saseueur 2.374.

“Pamilih nu dipikaterang sanés penduduk satempat dumasar ti hasil pangawas di lapangan seueur dipendaan di Cimaung sareng Katapang. Dina masih dipendakanna data calon pamilih nu teu nyumponan sarat ieu dipiharep tiasa gera-gera dibebenah pas saatos panetepan Daftar Pamilih Sementara (DPS), saurna.

Hedi ogé ngahimbau ka warga Kabupatén Bandung nu tos nyumponan sarat jadi pamilih nyaéta arenjaunna nu yuswana 17 taun di kaping 9 Désémber 2020 atawa tos kawin, kanggo gera-gera marios sareng mastikeun namina aya di daftar pamilih atanapi heuneu, pami teu acan tiasa ngalaporkeun ka pangawas pamilu désa satempat atawa cekap ngahubungi patugas di kecamatan séwang-séwang nu tos ngabuka posko pengaduan DPT.

“Tahapan pamutakhiran sareng panyusunan daftar pamilih nyaéta tahapan nu penting kanggo ngajaga hak pamilih. Ku kituna, sadaya pangawas nu aya di kecamatan sareng désa tos gaduh analisa titik rawan nu ngalandaskeun motivasi ngalindungi hak konstitusional pamilih,” saur Hedi.