Balik Deui Ka Bandung, Fabiano: Siap Kanggo Latihan Babarengan Deui – Wasunda

Foto: persib.co.id/Gregorius Aditya Katuk

Di mangsa pandemi Covid-19 nu nuju ngalanda dunia khususna di Indonésia nu ti saprak sasih Maret 2020 ieu ngadamel para atlét, khususna maén bal. Jadi distop kanggo samentawis waktu. Ku kituna, gelaran Shopee Liga 1 Indonésia nu kapaksa dieureunkeun heula kanggo samentawis waktu.

Salami pandemi Covid-19. Seueur pamaén tur tim palatih Pérsib nu ti luar negeri sareng luar Bandung kapaksa kedah karantina di Kota Bandung, teu sakedik ogé nu akhirna mulang ka lemburna masing-masing. Salah sahijina Fabiano Da Rosa Beltrame nu milih cicing di Brazil kanggo ngantosan pandemi ieu réngsé.

Dumasar ti situs resmi Pérsib Bandung, Fabiano Da Rosa Beltrame nu posisina bék tengah ieu ngaku anjeuna tos teu sabar ngantosan agénda latihan bareng. Komo deui, saprak tim ngaberlakukeun latihan mandiri ku sabab pandemi Covid-19, Pamaén asal Brazil ieu milih mulang ka lemburna.

Anjeunna nembé datang ka Indonésia minggon kamari. Anjeunna nyarios yén tos sono saatos opat sasih di Brazil hoyong latihan babarengan deui, anjeunna gé atoh margi tiasa pendak deui para punggawa Maung Bandung nu sanésna nu jadi motivasi anjeunna tiasa maén bal deui.

“Mugia tim gera-gera uih deui ka lapangan. Atoh tiasa pependak sareng tim. Kuring nembé pendak sareng sadaya pamaén saatos opat sasih uih (ka Brazil). Kami akhirna tiasa persiapan klub ogé tiasa siap ogé. Éta janten motivasi kami kanggo tiasa maén bal deui,” saur Fabiano, dikutip sareng disunting kana basa Sunda ti situs resmi Pérsib Bandun (2/8/2020).

Anjeunna gé siap kanggo latihan deui saatos ngantosan pandemi ieu dilakukeun sacara mandiri. Fabiano mastikeun kondisi kabugaranna angger kajaga sanaos latihan mandiri. Sadaya ménu nu dipasihkeun ti palatih ka anjeunna gé lumangsung saé. Anjeunna gé ngalakukeun latihan tambahan di Brazil.

Teu saukur latihan, Fabiano gé siap kanggo nyanghareupan gelaran kompetisi Shopee Liga 1 Indonésia nu bakal digelar kaping 1 Oktober 2020. Nu pastina jadwal padat bakal aya di unggal tim, anjeunna siap kanggo nyanghareupanana.

“Teu hawatos sareng jadwal pertandingan padet. Ceuk kuring mah teu aya masalah,” pungkasna