Ati-ati maèn di Pantai, 3 Wisatawan Kasèrèt Ombak sareng Ampir Teuleuem – Wasunda

Foto: sukabumiupdate.com

Kabupaten Sukabumi- Ati-ati pas ngojay di sisi pantai. Kamari, tilu wisatawan kasèrèt ombak pantai nu ageung  kasèrè dugi ka tengah sareng ampir teuleum.

Hal èta kajadian di pantai Citepus Kebon Kalapa, Desa Citepus, Kacamatan Palabuhan Ratu, Kabupaten Sukabumi, Jawa Barat, Sabtu (1/8/2020).

Pamandu Kasalametan Wisata Tirta Kabupaten Sukabumi, Asep Edom nguningakeun yèn kajadian èta kajantenan na dina tabuh 13.30 WIB di Pantai Citepus Kebon Kalapa, Desa Citepus, Kacamatan Palabuhanratu.

Dumasar sukabumiupdate.com dina artikel  “Wisatawan di Pantai Citepus Sukabumi Mesti Hati-hati, 3 Orang TerseretOmbak” nu diterbitkeun Minggu (2/8/2020), Tilu urangwisatawan kasèrèt derasna arus cai laut di Pantai Kebon Kalapa. Kajadian èta dialaman ku dua warga Cianjur Atiab Muhammad Rizky (yuswa 10 taun) sareng Mirza (yuswa 16 taun) sarta Reza (yuswa 8 taun).

“Pas aranjeuna nuju ngojay, ujug-ujug datang ombak ageung teras aranjeuna kasèrèt ku ombak dugi ka tengah,” Sanggem Kasat Pol Polres Sukabumi AKP Tri Andri Afandi.

“Pas aranjeuna nuju ngojay, ujug-ujug datang ombak ageung teras aranjeuna kasèrèt ku ombak dugi ka tengah,” Sanggem Kasat Pol Polres Sukabumi AKP Tri Andri Afandi.

Dikutip tina jabar.tribunnews.com Minggu(2/8/2020), Untung tiluanana bisa disalametkeun ku Life Guard Balawisata nu ngajagi di Pos Kebon Kalapa. Lantaran kasigapan patugas jaga pantai, tiluanana tiasa disalametkeun. Namung papada korban tos seeur teuing ngaeeut cai laut janten kondisi na lemah sareng kedah ngajalnkeun parawatan medis.

“Tilu urang kritis di candak ka Rumah Sakit Umum Daerah (RSUD) Palabuhanratu,” Sanggem Asep ka Tribunjabar.id dina pesen singkat.

Sateacan dicandak ka Rumah Sakit Umum Daerah (RSUD) Palabuhanratu, tiluanana kantos dipasihan pertolongan pertama dipasihan napas buatan lantaran korban dugi ka sesek napas.

“Hiji istri , hiji budak leutik, sareng pameget nu tos dewasa. Nu dugi ka kritis mah nu budak leutik sareng nu istri, nu pameget sami mung tos dipasihan napas buatan, salajengna teras dicandak ka Rumah Sakit Umum Daerah (RSUD) Palabahanratu ku Life Guard sareng kulawargi korban kanggè kengèng perawatan,” Sanggemna

Kondisi terakhir 3 wisatawan èta di Rumah Sakit Umum Daerah Palabuhan Ratu saatos ngajalani parawatan medis, masih aya dina kaayan lemah awakna namung ningalikeun tanda-tanda bakal sèhat deui. Minggu, (2/8/2020).