Ambu Anne Négatif Kapapar Covid-19 Saatos Swab Tés – Wasunda

Foto: jabarprov.go.id

Dinten Kemis kaping 30 Juli 2020 kamari, Bupati Purwakarta, Anne Ratna Mustika tos ngajalanan tés swab kanggo mastikeun kondisi kaséhatanna. Anjeunna kantos ngalaman gelisah saatos kénging kabar salah sahiji anggoda déwan perwakilan rakyat daérah (DPRD) satempat aya nu kakonfirmasi Covid-19.

Dumasar ti situs resmi jabarprov.go,id, dr. Déni Darmawan salaku Juru Bicara Gugus Tugas Covid-19 Purwakarta nyarios yén hasil tés swab kanggo Ambu Anne (sapaan Bupati Anne) dinyatakeun négatif.

“Hasil tés swab Ibu Bupati tos aya. Anjeunna dinyatakeun négatif kapapar Covid-19,” saur dr. Deni, dikutip ti situs resmi jabarprov.go.id (1/8/2020).

dr. Deni ngajelaskeun, sabagéan ageung anggota sareng sekretariar DPRD Purwakarta tos ngajalaksanakeun tés swab dinten Jumat kaping 24 Juli 2020. Hasilna nembé diumumkeun dinten Minggon kaping 26 Juli 2020 teras dipendakan hiji urang anggota DPRD nu ngiring tés ieu dinyatakeun positif Covid-19.

Tim ti Gugus Tugas Percepatan Penanganan Covid-19 Puwakarta dugi ka ayeuna masih ngalakukeun palacakan ka jalmi-jalmi nu sempet ngobrol sareng pasién. dr. Déni ngaku teu acan terang panyabab sareng kronologi panularan Covid-19 ka pasién ieu.

Ku kituna, Ambu Anne bersyukur margi hasil tés swab-na nunjukkeun négatif. Saur Anne, tés swab nu dilakukeunna janten langkah antisipasi anjeunna.

Aneu alim nyandak résiko nu jadina saprak kénging aya salah sahiji anggota DPRD nu positif Covid, anjeunna milih kanggo isolasi diri ogé sareng milih nyalira heula supados tiasa neken panyebaran Covid-19.

“Tés ieu kanggo mastikeun sakaligus ngaminimalisasi panyebaran virus ieu langkung luas,” saur anjeunna.

Anne ogé miharep ka saha waé nu pernah interaksi atawa kontak caket sareng anggota déwan nu kapapar ieu, supados tiasa ngiring tés swab sareng isolasi mandiri kanggo nyegah panyebaran.

Pihakna ogé ngadugikeun ka masarakat kanggo nerapkeun protokol kaséhatan sasuai arahan ti pamaréntah. Boh éta nganggo masker pami aktifitas di luar bumi, teras wawasuh panangan nganggo sabun di cai nu ngocor, , sarta nerapkeun protokol sanésna nu tiasa nyegah panyebaran virus ieu.

“Hayu babarengan kanggo saling ngajaga diri supados angger jagjag sareng ngajaga batur sangkan tiasa jagjag ogé,” saurna.