AKADEMI PERSIB KETAT TERAPKAN PROTOKOL KESEHATAN – Wasunda

Foto: situs resmi Persib Bandung/ Pandu Persada

Akademi Persib Bandung nerapkeun Protokol Kaséhatan nu cekap ketat. Hal éta dilakukeun supados pamaén Akademi Persib ieu téh jauh ti Covid-19.

Dumasar ti situs resmi Persib Bandung. Sekretaris Akademi Persib, Ridwan Firdaus ngaku butuh konsentrasi kana panerapan protokol kaséhatan dina ngajalanan program latihan supados kahindar ti risiko panyebaran Covid-19. Ku kituna, anjeunna moal eureun kanggo ngingetan anak asuhna.

Anjeunna  nyarios kumargi masih barudak, ieu pamaén akademi téh kedah teterasan diingetan kanggo sadar ku pentingna protokol kaséhatan. Anjeunna terus ngaedukasi sareng ngingetan Akademi Maung Bandung ieu.

“Nya namina ge murangkalih, aya waé nu kedah diingetan. Tapi, aya ogé nu tos biasa sareng sadar ku pentingna protokol kaséhatam. Jadim kami teterasan ngaédukasi sareng ngingetan barudak,” saur Ridwan nu dikutip sareng disunting kana basa Sunda ti situs resmi Persib Bandung (13/7/2020).

Protokol kaséhatan nu diterapkeun Akademi Persib Kota Bandung ieu téh kaasup detail, sapertos tina pakéan latihan, ngagunakeun masker sareng kabiasaan ngumbah panangan. Ku seueurna protokol kaséhatan, teu jarang pamaén jadi bingung malah hilap.

Kanggo nyegah Covid-19, Ridwan ngalibatkeun ogé Ibu-Bapana pamén akademi nu di bumi. Margi waktos di bumi langkung lami dibanding di lapangan. “Kami gé ngalibatkeun Ibu-Bapana di bumi. Margi waktos di bumi langkung lami dibanding di lapangan. Teu aya deui pamaén nu datang atawa uih nganggo pakéan latihan. Sadaya kagiatan kedah dilakukeun ku kondisi nu beresih sareng rapih,” saurna.