600 Wargi Kecamatan Cidadap Bakal Rapid Test! – Wasunda

Foto : Humas Kota Bandung

Tim Gugus Tugas Covid-19 Bandung bakal ngalakukeun pamariksaan rapid test ka 600 wargi nu di lingkungan Sakola Calon Perwira Angkatan Darat (Secapa AD).

Dunmasar ti situs resmi Humas Kota Bandung. Kepala Dinas Kesehatan (Dinkes) Kota Bandung nu ogé salaku Koordinator Bidang Operasi Tim Gugus Tugas Kota Bandung, Rita Verita nyarios yén jumlah wargi nu badé rapid test téh nyaéta mangrupakeun hasil tracing nu tos dilaksanakeun pihakna nu koordinasi sareng Puskesmer di 7 RW ti 3 kalurahan.

Anjeunna gé nyarios rapid test bade dilaksanakeun dinten ieu dugi ping 17 Juli 2020 di Sekolah Tinggi Ilmu Pariwisata Bandung (NHI).

“Rapid test dikawit énjing dugi dinten juma’ah 17 Juli 2020, tempatna di Sekolah Tinggi Ilmu Pariwisata Bandung (NHI),” saur Rita nu dikutip sareng disunting kana basa Sunda ti situs resmi Humas Kota Bandung.

Anjeunna gé nyarios yén rapid test éta téh bagéan ti upaya Tim Gugus Tugas Covid-19 COvid-19 dina ngarespon kajadian nu aya di Secapa AD. Anjeunna gé nyarios yén pihakna bakal ngantosan hasil rapid test kanggo langkah salajengna nu disebat swab.

“Pami aya nu hasilna réaktif tahap salajengna nyaéta diswab,” saurna.

Ngeunaan data kasus positif nu aya di Secapa AD. Rita mung terang yén data éta téh lebetna ka Tim Gugus Tugas Percepatan Penanganan Covid-19 pusat, dugi ka ayeuna tei acan aya nu lebet angka reproduksi nu dipigaduh Kota Bandung. Anjeunna nyarois yén Secapa ieu téh sababaraha hiji jalmi na aya ti unggal daérah nu matak aya data kasus positif di Kecamatan Cidadap ti GTPP pusat.

“Diuningakeun yén Secapa AD ieu téh ti unggal daérah Indonesia,” saurna.