3 Rumus Wisata Aman di Mangsa AKB! – Wasunda

Foto: twitter @jabarprovgoid

Gubernur Jawa Barat, Mochamad Ridwan Kamil nyarios, aya tilu rumus supados pariwisata di Jawa Barat aman operasi deui dina mangsa Adaptasi Kebiasaan Baru (AKB).

Tilu rumusna nyaéta prosés reservasi tikét sacara online atawa dalam jaringan (daring), ngajaga kaamanan transportasi sareng perjalanan wisata, ogé ngajaga kadisiplinan wisatawana dina nerapkeun protokol kaséhatan diantawisna nganggo masker, jaga jarak aman, sareng wawasuh panangan nganggo sabun.

“Pami sadaya protokol adaptasi éta diterapkeun di sadaya pariwisata di Jawa Barat, kedahna naon waé jenis wisata di Jawa Barat tiasa dibuka deui,” saur Gubernur nu dikutip ogé disunting kana basa Sunda tina situs resmi Pémprov Jawa Barat (18/7/2020).

Gubernur nyarios pihakna teu tiasa nyangkal yén kendala di lapangan nyaéta teu sadaya masyarakat daék disiplin dinu nerapkeun protokol kaséhatan, khususna nganggo masker, ku kituna Pamaréntah Daérah Provinsi Jawa Barat bakal ngaberlakukeun denda kanggo masyarakat nu teu nganggo masker di tempat umum, kalebet lokasi-lokasi wisata.

“Sanksi ieu gé berlaku kanggo masyarakat luar Jabar nu nuju wisata di Jabar. Kaping 27 Juli 2020 kami bakal aya denda Rp.100 dugi ka Rp.150 rébu ka urang nu teu ngaggu masker di ruang public, kusabab diédukasi atos, ditegor ku surat tilang atos, ayeuna margi tingkat kadisplinanna rendah, matak ditindak ku denda,” saur Kang Emil.

Gubernur nambahkeun, pihakna ogé atos ngalaksanakeun langkah-langkah stratégis sateuacan masihan izin kanggo ngabuka deui déstinasi wisata, sapertos koordinasi sareng pimpinan daérah nu wilayahna janten tujuan wisata.

“Abdi tos cék kasiapan panerapan protokol kaséhatan di sajumlah lokasi wisata sareng sarana transportasi umum, ti mulai lebet ka titikna aya tanda jaga jarak. Teras abdi pastikeun sadaya pangelola, karyawanna nganggo masker sareng face shield. Abdi gé ngalakukeun pangecékan di transportasina. Pembatasan, jarak, jadwa, ogé kalebet (cara) booking-na,” saurna.

Gubernur ogé nyarios yén pohakna bakal ngapromosikeun deui poténsi wisata pami tos dinilai aman, aspék bersih, séhat, éndah, kréatif, aman ogé murah senyum bakal terus dikampanyekeun sangkan numbuhkeun deui kapercayaan wisatawan ka poténsi wisata di Jawa Barat.

“Intina, abdi ogé hoyong gera-gera pariwisata balik deui normal, mung abdi butuh jaminan yén palaku industrina atos disiplin ngamankeun wilayahna sareng wisatawanna gé tos adaptasi ku kabiasaan anyar,” tegesna.