151 Triliun Tos Diréalisasikeun Pamaréntah Liwat Program PÉN – Wasunda

Foto: infopublik.id

Pamaréntah tos nganggarkeun total biaya Pananganan Covid-19 sareng Pamulihan Ékonomi Nasional (PÉN) saageung Rp. 695,20 triliun nu dialokasikeun kanggo genep séktor dimana total réalisasi dugi minggu mimiti Agustus nyaéta Rp. 151,25 triliun tos dilaksanakeun atawa 21,8 persén ti pagu program PÉN.

Hal ieu didugikeun ku Menteri Keuangan (Menkeu), Sri Mulyani Indrawati, di média briefing sacara virtual ngeunaan Update Perkembangan Réalisasi Pamulihan Ékonomi Nasional sareng Pembayaran Gaji ka-13, sapertos dikutip di katerangan Kementerian Keuangan dinten Sénen kamari.

“Panyerapanna tos ngawitan nunjukkeun ayana paningkatan di mana kami ogé tos mutuskeun yén sadaya program utamina nu aya hubungan sareng bantosan sosial tos diperpanjang dugi ka Désémber. Kami ogé tos ngagancangkeun prosés usulan anyar di unggal macem klaster ti ngawitan kaséhatan, UMKM, bansos, sareng ogé ti séktor sarta pamaréntah daérah. Katingalna teu ngalaman paningkatan palaksanaan sareng aya halangan nu cekap ageung margi sababaraha hal, jadi kami bakal teras ngalakukeun parubahan desainna supados tiasa leres-leres maksimal mulihkeun ékonomi arurang, ogé tangtosna kami terus ngagancangkeun ogé ngasimplifikasi prosés-prosés birokrasina,” saur Menkeu (11/8/2020).

Dina program panyerapan PÉN katinggal yén panyerapan bakal langkung gancang sareng langkung optimal kanggo program-program nu émang tos aya sareng tos lumangsung sapertos PKH, kartu sembako margi tos gaduh mékanisme sareng datana tos jelas sanaos ieu masih perlu kanggo diupdate. Samentawis kanggo program-program nu sifatna usulan anyar, masih kedah nyanghareupan sababaraha pasualan ti ngawitan kumaha ngavalidasi sareng ngavérifikasi data-data.

Ku kualitas data nu langkung saé, dipiharep kabijakan palindungan sosial dina program PÉN tiasa langkung tepat sasaran. Kemenkeu gaduh peran séntral dina nangtoskeun prioritas, ngurai masalah, sareng ngaleungitkeun hambatan (bottle necking), nu jadina kendala nu aya dina panyerapan anggaran tiasa gera-gera dileungitkaun, khususna kakait régulasi sareng tata kelola.

“Pamaréntah bakal terus ngalakukeun sababaraha ikhtiar kanggo ngalereskeunna, ogé program-program nu dilakukeun révisi DIPA-na kami lakukeun sacara gancang sareng Diréktorat Jénderal Anggaran sareng Diréktorat Jénderal Perbendaharaan sadayana dipénta kanggo sacara aktif jemput bola. Usulan-usulan anyar kami suhunkeun ka kamentrian/lembaga nu nyiapkeun supadis arenjeunna leres-leres tiasa gera-gera ngalakukeun nu jadina panguatan ti balanja pamaréntah bakal ngadorong pamulihan ékonomi,” pungkas Menkeu.