100 Tahun Gedung Saté, Teu Aya Parayaan, Tapi Cukup Ku Dijaga – Wasunda

Foto: jabarprov.go.id

Gedung Saté di dinten Senén kaping 27 kamari tos aya di yuswa ka nu-100. Sanaos tos saabad ngadeg, kamegahan ogé kakohan Gedung Saté karékam jelas di unggal sudut arsitéktur. Nilsi historisna gé abadi, ogé moal leungiteun jaman.

Dumasar ti situs resmi Pémprov Jawa Barat. Ridwan Kamil nilai Gedung Saté gaduh nilai arsitéktur nu ageung. Teu aya gedung pamaréntahan nu bisa ngéléhkeun arsitéktur ogé éstétika Gedung Saté.

“Inget Jabar. Inget Gedung Saté. Inget Bandung, ikon-na pasti Gedung Saté. Teu aya ni tiasa ngéléhkeun,” saur Kang Émil, dikutip ti situs resmi Pémprov Jabar (28/7/2020).

Pembangunan Gedung Saté dikawitan batu mimitina di kaping 27 Juli 1920 ku Putri Wali Kota Bandung kapungkur, Johana Catherina Coops, sareng perwakilan Gubernur Hindia-Belanda di Batavia, Petronélla Roelofsen.

Panggalian taneuhna gé dilakukeun kanggo melak konstruksi beton bertulang nu jadi fondasi bangunan sareng pembangunan rohangan bawah tanah, dilajengkeu ku pembangunan lantai mimiti dugi ka tilu.

Saatos réngsé ngadamel rohangan tanuh, pembangunan dilajengkeun ku padamelan konstruksi lengkung kanggo panto sareng jendéla gedung, sarta kolom ujung gedung bag’ean lebet sareng luar.

Di tahun 1922, pembangunan menara gedung sarta ngaréngsékeun témbok luar, ngaratakeun lahan sakitar, ogé padamelan ornamén kolom di aula gedung.

Pembangunan Gedung Saté ngalibatkeun 2.000 pagawé og nyéépkeun dana saageung 6 juta gulden.

“Maha saté baheulaaya 6 juta gulden biaya bangunanna. Sajuta disimbokeun ku hiji saté,” saurna.

Teu aya acara khusus kanggo ngarayakeun 100 Tahun Gedung Saté margi nuju dina kondisi pandemi Covid-19. sababaraha rencana nu disusun gé dibatalkeun. Sanaos kitu, Kang émil nyarios yén parayaan 100 Tahun Gedung Saté angger kalaksana dina ngarawat ogé ngajagana. Perbaikan fasilitas Gedung Saté di unggal sudut jadi bukti.

Salah sahijina pamaasangan pilar-pilar nu ngagambarkeun yén Gedung Saté milik warga Jawa Barat. Salian éta pamasangan pilar tiasa ngagerakkeun ékonomi Jawa Barat nu sempet kahalang pandemi Covid-19.

“Jadi hiji pilar, hiji kabupatén. Hiji pilar Majaléngka misalna aya sajarahna ogé, sakumaha Cirebon ogé, jadi kapamilikan Gedung Saté sareng Gasibu dipigaduh teu mung masyarakat Bandung Raya, tapi ogé ku masyarakat nu sanésna,” saurna.

Penulis : Iman Setiawan